April 28, 2021
April 28, 2021
ദോഹ: പത്തു ദിവസത്തെ ഹോട്ടൽ ക്വാറന്റൈനിനായി ബുക്കിംഗ് തുടങ്ങിയതായി ഡിസ്കവർ ഖത്തർ അറിയിച്ചു. ത്രീസ്റ്റാർ,ഫോർ സ്റ്റാർ,ഫൈവ് സ്റ്റാർ ഹോട്ടലുകളിലായി 45 ലധികം പാക്കേജുകളാണ് നിലവിലുള്ളത്. 3,500 റിയാൽ മുതൽ 8,500 റിയാൽ വരെയാണ് നിരക്ക്.മുറികളുടെ ലഭ്യതയ്ക്കനുസരിച്ച് നിരക്കിൽ ഏറ്റക്കുറച്ചിലുകൾ ഉണ്ടാകും. ആറു രാജ്യങ്ങളിൽ നിന്നുള്ള യാത്രക്കാർക്ക് വ്യത്യസ്ത ഹോട്ടലുകളാണ് തയ്യാറാക്കിയിട്ടുള്ളത്.
ഇന്ത്യ, ബംഗ്ലാദേശ്, നേപ്പാൾ, പാക്കിസ്ഥാൻ, ഫിലിപ്പൈൻസ്, ശ്രീ ലങ്ക എന്നീ രാജ്യങ്ങളിൽ നിന്നും വരുന്ന യാത്രക്കാർക്ക് പത്തു ദിവസം ഹോട്ടൽ ക്വാറന്റൈൻ നിർബന്ധമാണെന്ന് ആരോഗ്യ മന്ത്രാലയം രണ്ട് ദിവസം മുമ്പ് അറിയിച്ചിരുന്നു. വ്യാഴാഴ്ച മുതൽ (ഏപ്രിൽ 29) ഇത് പ്രാബല്യത്തിൽ വരും.
ഏപ്രിൽ 28 രാത്രി 11:59 വരെ എത്തുന്ന യാത്രക്കാർക്ക് ബുക്കിംഗ് മാറ്റേണ്ടതില്ല. ദോഹയിൽ എത്തുമ്പോൾ അവർക്ക് വേണ്ട നിർദേശങ്ങൾ നൽകും. അവരിൽ നിന്നും കൂടുതൽ ചാർജ് ഈടാക്കില്ലെന്നും ഡിസ്കവർ ഖത്തർ അറിയിച്ചു.
ഇപ്പോൾ ഹോട്ടൽ ബുക്ക് ചെയ്തവരും എന്നാൽ ഏപ്രിൽ 29 ന് ശേഷം വരുന്നവരും വീണ്ടും ബുക്ക് ചെയ്യണം. ഇതിനായുള്ള നിർദേശങ്ങൾ അവർക്ക് ഇമെയിൽ വഴി ലഭിക്കുന്നതാണ്.
ന്യൂസ്റൂം വാർത്തകൾ വാട്സ്ആപ്പിൽ ലഭിക്കാൻ ഇവിടെ ക്ലിക്ക് ചെയ്യുക