May 30, 2021
May 30, 2021
ദോഹ : ഈ മാസം ആദ്യം ഖത്തറിൽ തടവിലാക്കപ്പെട്ട സുരക്ഷാ ഉദ്യോഗസ്ഥനും മനുഷ്യാവകാശ പ്രവർത്തകനുമായ മാൽകം ബിദാലി ഖത്തറിനെതിരെ ചാരപ്രവർത്തനം നടത്തിയതായി കണ്ടെത്തിയെന്ന് സർക്കാർ കമ്മ്യൂണിക്കേഷൻ ഓഫീസ് (ജിസിഒ) ശനിയാഴ്ച പ്രസ്താവനയിൽ അറിയിച്ചു. ഒരു വിദേശ ഏജന്റിനായി ജോലി ചെയ്തുവെന്നും ഇതിനുള്ള പ്രതിഫലമായി തുക കൈപ്പറ്റിയെന്നുമാണ് കണ്ടെത്തൽ.ഖത്തറിന് അപഖ്യാതിയുണ്ടാവുന്ന തരത്തിൽ തെറ്റായ വിവരങ്ങൾ കൈമാറിയതിനും അനധികൃതമായി പണം കൈപ്പറ്റിയതിനുമാണ് ഇയാൾക്കെതിരെ കുറ്റം ചുമത്തിയതെന്നും പ്രസ്താവനയിൽ വ്യക്തമാക്കി.
ഖത്തറിലെ ഒരു സ്വകാര്യകമ്പനിയിൽ സുരക്ഷാ ജീവനക്കാരനായി ജോലി ചെയ്യുന്ന കെനിയൻ സ്വദേശിയായ ബിദാലിയെ മെയ് അഞ്ചിനാണ് അറസ്റ്റ് ചെയ്തത്.ഇയാളെ പിന്നീട് തുടർനടപടികൾക്കായി പബ്ലിക് പ്രോസിക്യൂഷന് കൈമാറി.
മാൽകം ബിദാലിയെ മോചിപ്പിക്കണമെന്നാവശ്യപ്പെട്ട് ചില മനുഷ്യാവകാശ സംഘടനകൾ രംഗത്തെത്തിയിരുന്നു.