November 23, 2019
November 23, 2019
ദോഹ : ഖത്തറിൽ പുതിയ ദേശീയ മേൽവിലാസ നിയമം നടപ്പാക്കുന്നത് സംബന്ധിച്ച വിവരങ്ങൾ ആഭ്യന്തര മന്ത്രാലയം വീണ്ടും ജനങ്ങളെ ഓർമിപ്പിച്ചു. ഖത്തറിലെ സ്വദേശികളും വിദേശികളും മന്ത്രാലയത്തിന് കൈമാറേണ്ട വിവരങ്ങൾ വ്യക്തമാക്കുന്ന ഇൻഫോഗ്രാഫിക്കാണ് മന്ത്രാലയം ട്വീറ്റ് ചെയ്തത്. താമസക്കാരുടെ നിലവിലെ താമസ സ്ഥലത്തിന്റെ പൂർണമായ മേൽവിലാസം,ലാൻഡ്ഫോൺ-മൊബൈൽ നമ്പറുകൾ,ജോലി ചെയ്യുന്ന സ്ഥാപനത്തിന്റെ മേൽവിലാസം,ഇ മെയിൽ,നാട്ടിലെ സ്ഥിര മേൽവിലാസം,ആവശ്യമായ മറ്റ് വിവരങ്ങൾ എന്നിവയാണ് നൽകേണ്ടത്. നടപടിക്രമങ്ങൾ പൂർത്തിയാക്കി പദ്ധതി ഉടൻ പ്രാബല്യത്തിൽ വരുമെന്ന് അധികൃതർ അറിയിച്ചു.
മെട്രാഷ് 2 ആപ്ലിക്കേഷൻ,ആഭ്യന്തര മന്ത്രാലയത്തിന്റെ സേവനകേന്ദ്രങ്ങൾ എന്നിവ വഴിയാണ് വിവരങ്ങൾ നൽകേണ്ടത്. പ്രായപൂർത്തിയാവാത്ത കുട്ടികളെ സംബന്ധിച്ച വിവരങ്ങൾ രജിസ്റ്റർ ചെയ്യേണ്ടത് രക്ഷിതാക്കളുടെ ഉത്തരവാദിത്തമാണ്. നിയമം നടപ്പിലായാൽ വിവരങ്ങൾ ആറു മാസത്തെ കാലാവധിയാണ് അനുവദിക്കുക. ഇതിന് ശേഷവും വിവരങ്ങൾ നൽകുന്നതിൽ പരാജയപ്പെട്ടാൽ പതിനായിരം റിയാൽ വരെയാണ് പിഴ ചുമത്തുക.
(ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സാപ്പ് നമ്പറിലേക്ക് സന്ദേശമയക്കുക )
