March 16, 2020
March 16, 2020
ദോഹ : ഖത്തറിൽ ഞായറാഴ്ച രോഗബാധ സ്ഥിരീകരിച്ച 64 പേരിൽ ഭൂരിഭാഗവും നേരത്തെ രോഗം കണ്ടെത്തിയവരുമായി സമ്പർക്കം പുലർത്തിയിരുന്നവരാണെന്ന് പകർച്ച രോഗ ചികിത്സാ സെന്റർ മേധാവി ഡോ. അബ്ദുല്ലതിഫ് അൽ ഖാൽ പറഞ്ഞു.ഇവർ കരുതൽ വാസത്തിൽ നിരീക്ഷണത്തിലായിരുന്നുവെന്നും എല്ലാവരുടെയും ആരോഗ്യനില തൃപ്തികരമാണെന്നും അദ്ദേഹം വ്യക്തമാക്കി.
പുതുതായി വൈറസ് ബാധ കണ്ടെത്തിയവർ പ്രത്യേകിച്ച് രോഗലക്ഷണങ്ങളൊന്നും പ്രകടിപ്പിച്ചിരുന്നില്ല.എന്നിട്ടും വൈറസ്ബാധ സ്ഥിരീകരിക്കാൻ കഴിഞ്ഞത് കോവിഡ് ബാധയുള്ളവരെ കണ്ടെത്താൻ പൊതുജനാരോഗ്യ മന്ത്രാലയം സ്വീകരിച്ച നടപടികൾ വളരെ ഫലപ്രദമാണ് എന്നതിന്റെ തെളിവാണെന്നും അദ്ദേഹം കൂട്ടിച്ചേർത്തു.
രോഗം കൂടുതൽ പേരിലേക്ക് പടരാതിരിക്കാൻ എല്ലാവരും അവരുടേതായ പങ്ക് നിർവഹിക്കണം. മറ്റുള്ളവരിൽ നിന്ന് പരമാവധി അകലം പാലിക്കുകയും കഴിയുന്നതും വീടുകളിൽ തന്നെ കഴിയാനും ശ്രമിക്കുക.അനിവാര്യമല്ലാത്ത എല്ലാ സന്ദർശനങ്ങളും ഒഴിവാക്കണമെന്നും ഡോ. അബ്ദുല്ലതിഫ് അൽ ഖാൽ ആവശ്യപ്പെട്ടു.
ന്യൂസ്‌റൂം വാർത്തകൾ മുടങ്ങാതെ ലഭിക്കാത്തവർ +974 66200 167 എന്ന നമ്പറിലേക്ക് സന്ദേശം അയക്കുക.
