December 02, 2021
December 02, 2021
ദോഹ : ഇന്ത്യ തദ്ദേശിയമായി വികസിപ്പിച്ച കോവാക്സിന് ഖത്തർ ആരോഗ്യമന്ത്രാലയം അംഗീകാരം നൽകി. ഭാരത്‌ ബയോടെക്ക് നിർമിക്കുന്ന ഈ വാക്സിന് ഒമാൻ അടക്കമുള്ള അറബ് രാജ്യങ്ങൾ നേരത്തെ തന്നെ അംഗീകാരം നൽകിയിരുന്നു.
കോവിഡിന്റെ ഒമിക്രോൺ വകഭേദം കണ്ടുപിടിക്കപ്പെട്ടതിനാലാണ് കോവാക്സിനെ അംഗീകരിക്കാൻ ഖത്തർ തയ്യാറായതെന്നാണ് ലഭിക്കുന്ന സൂചനകൾ. ഔദ്യോഗിക ട്വിറ്റർ ഹാന്റിലിലൂടെ വാർത്ത പുറത്തുവിട്ട ആരോഗ്യമന്ത്രാലയം, ഇന്ന് മുതൽ തന്നെ അംഗീകാരം പ്രാബല്യത്തിൽ വരുമെന്നും അറിയിച്ചു. ഇന്ത്യയിൽ നിന്നും വാക്സിനെടുത്ത് ഖത്തറിൽ എത്തുന്ന പ്രവാസികൾക്ക് ഏറെ ആശ്വാസകരമാണ് മന്ത്രാലയത്തിന്റെ ഈ തീരുമാനം.
