September 22, 2019
September 22, 2019
ദോഹ : ലോക അത്ലറ്റിക് ചാമ്പ്യൻഷിപ്പിലെ മാരത്തോൺ പ്രമാണിച്ച് ദോഹയിലെ കോർണിഷ് റോഡിൽ സെപ്തംബർ 26,27(വ്യാഴം,വെള്ളി) തീയതികളിൽ ഗതാഗത നിയന്ത്രണം ഏർപ്പെടുത്തും.ഈ ദിവസങ്ങളിൽ വൈകീട്ട് 6 മണി മുതൽ വെളുപ്പിന് അഞ്ചു മണി വരെ പതിനൊന്ന് മണിക്കൂർ സമയത്തേക്ക് വാഹന ഗതാഗതം അനുവദിക്കില്ല.റോഡ് പൂർണമായും അടക്കും.
സെപ്തംബർ 27 ന് വൈകീട്ട് 11.59 ന് സ്ത്രീകളുടെ മാരത്തോൺ ആരംഭിക്കും.ഈ സമയത്ത് ഷെറാട്ടൺ റൌണ്ട് അബൗട്ട് മുതൽ കോർണിഷ് ഗ്രാൻഡ് ഹമദ് സ്ട്രീറ്റ് വരെയുള്ള ഭാഗങ്ങളും ഇതോടനുബന്ധിച്ചുള്ള ഉൾവശത്തെ റോഡുകളും അടക്കും.
ഈ സമയങ്ങളിൽ ദോഹ കോർണിഷിലേക്കുള്ള യാത്രകൾ ഒഴിവാക്കുക :
സെപ്തംബർ 28 (ശനി) - രാവിലെ 11.30 ന് സ്ത്രീകളുടെയും പുരുഷൻമാരുടെയും 50 കിലോമീറ്റർ മാരത്തോൺ.
സെപ്തംബർ 29(ഞായർ) - രാവിലെ 11.30 ന് സ്ത്രീകളുടെ 20 കിലോമീറ്റർ മാരത്തോൺ.
ഒക്ടോബർ 4(വെള്ളി) - രാവിലെ 11.30 ന് പുരുഷ വിഭാഗം മാരത്തോൺ.
ഒക്ടോബർ 5(ശനി) - രാവിലെ 11.59ന് പുരുഷ വിഭാഗം മാരത്തോൺ.
സെപ്തംബർ 27 മുതൽ ഒക്ടോബർ 6 വരെ 10 ദിവസങ്ങളിലായാണ് ദോഹ കോർണിഷിൽ സ്ത്രീകൾക്കും പുരുഷന്മാർക്കുമുള്ള മാരത്തോൺ മത്സരങ്ങൾ നടക്കുക.ഈ ദിവസങ്ങളിൽ ദോഹ കോർണിഷിലും അതോടനുബന്ധിച്ചുള്ള റോഡുകളിലും ഗതാഗത നിയന്ത്രണമുള്ളതിനാൽ നിശ്ചിത സമയങ്ങളിൽ വാഹനങ്ങൾക്ക് പ്രവേശനം ഉണ്ടായിരിക്കില്ല.സ്ത്രീകൾക്കും പുരുഷന്മാർക്കുമായി 24 ഓളം മാരത്തോൺ മത്സരങ്ങളാണ് ഈ ദിവസങ്ങളിൽ ദോഹ കോർണിഷിൽ നടക്കുക.