November 09, 2022
November 09, 2022
ന്യൂസ്‌റൂം ബ്യുറോ
ദോഹ : ലോകകപ്പ് കാലയളവിൽ ഖത്തറിൽ ഉടനീളം വലിയ തോതിലുള്ള ഗതാഗതക്കുരുക്ക് അനുഭവപ്പെടുമെന്ന് പ്രതീക്ഷിക്കുന്നതായി ഗതാഗത മന്ത്രാലയത്തിന്റെ മുന്നറിയിപ്പ്. ജനറൽ ട്രാഫിക്കിലെ ബോധവൽക്കരണ വിഭാഗം ഡയറക്ടർ ജനറൽ ഡോ. മുഹമ്മദ് റാദി അൽ ഹജ്‌രിയാണ് ഇക്കാര്യം പറഞ്ഞത്.
ജനങ്ങളിൽ ഗതാഗത അവബോധം വർദ്ധിപ്പിക്കുന്നതിന് പുറമെ,, ബദൽ റൂട്ടുകൾ ഉപയോഗിക്കാനും ഗതാഗത തിരക്ക് ഒഴിവാക്കാനും റോഡ് ഉപയോക്താക്കളോട് അദ്ദേഹം അഭ്യർത്ഥിച്ചു.ഔദ്യോഗിക ട്വിറ്റർ അക്കൗണ്ടിൽ പോസ്റ്റ് ചെയ്ത വീഡിയോയിലാണ് അദ്ദേഹം ഇക്കാര്യം ആവശ്യപ്പെട്ടത്.
ദോഹ മെട്രോ ഉൾപ്പെടെയുള്ള പൊതുഗതാഗത സംവിധാനം പരമാവധി ഉപയോഗപ്പെടുത്താനും ഡോ. മുഹമ്മദ് റാദി അൽ ഹജ്‌രി ജനങ്ങളോട് അഭ്യർത്ഥിച്ചു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക
