May 24, 2023
May 24, 2023
ന്യൂസ്‌റൂം ബ്യുറോ
ദോഹ : ഭാഷ്യസുരക്ഷയുമായി ബന്ധപ്പെട്ട വിവിധ നിയമങ്ങൾ ലംഘിച്ചതായി കണ്ടെത്തിയതിനെ തുടർന്ന് ഖത്തറിലെ മൂന്ന് റസ്റ്റോറന്റുകൾ മുനിസിപ്പൽ മന്ത്രാലയം താൽക്കാലികമായി അടച്ചുപൂട്ടി.
വൃത്തിഹീനമായ സാഹചര്യങ്ങളിൽ ഭക്ഷണം കൈകാര്യം ചെയ്യുന്നതായി കണ്ടെത്തിയതിനെ തുടർന്ന് അൽ നാസറിലെ ബുഷ്‌നാബ് റെസ്റ്റോറന്റ് മെയ് 15 മുതൽ 15 ദിവസത്തേക്കാണ് അടച്ചുപൂട്ടിയത്.സമാനമായ നിയമലംഘനം കണ്ടെത്തിയ ബിൻ ദിർഹമിലെ ഗ്രീൻ ടീ ഗാർഡൻ കഫ്റ്റീരിയ മെയ് 16 മുതൽ ജൂൺ 7 വരെ അടച്ചിടാനാണ് ഉത്തരവ്.ഇൻഡസ്ട്രിയൽ ഏരിയ 57-ലെ ഓക്ക്‌ലൻഡ് കഫ്റ്റീരിയ മെയ് 15 മുതൽ 10 ദിവസമാണ് അടച്ചിടുക.ആവശ്യമായ ശുചിത്വം പാലിക്കാത്തതിനാണ് മൂന്നു സ്ഥാപനങ്ങളും നിയമനടപടി നേരിട്ടത്.ഈ കാലയളവിൽ കട തുറക്കുന്നതോ മറ്റെന്തെങ്കിലും പ്രവർത്തനങ്ങൾ നടത്തുകയോ അറ്റകുറ്റപ്പണി നടത്തുന്നതോ അനുവദനീയമല്ലെന്നും ഇത്തരം ക്രമക്കേടുകൾ കണ്ടാൽ മുനിസിപ്പൽ ഡയറക്ടറുടെ വിവേചനാധികാരം ഉപയോഗിച്ച് അടച്ചിടൽ കാലയളവ് വീണ്ടും വർധിപ്പിക്കുമെന്നും മുനിസിപ്പാലിറ്റി മന്ത്രാലയം അതിന്റെ വെബ്‌സൈറ്റിൽ പ്രസിദ്ധീകരിച്ച അറിയിപ്പിൽ വ്യക്തമാക്കി.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/CnQu0Sm89HsFGubs4fWsFe
