March 17, 2022
March 17, 2022
ദോഹ : മെട്രോയിൽ കാലാനുസൃതമായി ആവശ്യമായ സിസ്റ്റം അപ്ഗ്രേഡിങ് നടത്തേണ്ടതിനാൽ, ഗോൾഡ് ലൈൻ സർവീസുകളിൽ രണ്ട് ദിവസം മാറ്റങ്ങൾ ഉണ്ടാവുമെന്ന് അധികൃതർ അറിയിച്ചു. മാർച്ച് 15, മാർച്ച് 19 എന്നീ ദിവസങ്ങളിലാണ് മാറ്റങ്ങൾ ഉണ്ടാവുക.
അൽ അസീസിയയിൽ നിന്നുള്ള M313, M312 മെട്രോ ലിങ്കുകൾ സ്പോർട്സ് സിറ്റി വരെ സർവീസ് നടത്തും. സ്പോർട്സ് സിറ്റിയിൽ നിന്നും റാസ് ബു അബൗദിലേക്ക് ഓരോ അഞ്ചുമിനിറ്റിലും പുറപ്പെടുന്ന രീതിയിൽ ബസ് സംവിധാനം സജ്ജമാക്കും. മുഷെയ്രിബിലേക്കുള്ള ബസുകൾ അൽ വാബിൽ നിർത്തില്ലെന്നും, ഇരുദിശയിലേക്കുള്ള ബസ്സുകളും സൂഖ് വാഖിഫിൽ നിർത്തില്ലെന്നും അധികൃതർ അറിയിച്ചു. അൽ സദ്ദിനും ബിൻ മഹ്മൂദിനും ഇടയിലും സർവീസ് ക്രമീകരിക്കും.