September 15, 2021
September 15, 2021
ദോഹ : മുഴുവൻ സമയ ജോലിയിൽ നിന്നും താൽകാലികമായി പാർട്ട് ടൈം വ്യവസ്ഥയിലേക്ക് മാറാൻ ജീവനക്കാർക്ക് അനുമതി കൊടുക്കുന്ന നിയമം വരുന്നു. വിവിധമേഖലയിൽ ജോലി ചെയ്യുന്ന ആളുകൾക്ക് അവരുടെ കുടുംബത്തോടൊപ്പം ചെലവഴിക്കാൻ കൂടുതൽ സമയം നൽകാനാണ് പുതിയ നിയമത്തിലൂടെ മന്ത്രിസഭ ലക്ഷ്യമിടുന്നത്.
ഖത്തറിലെ വനിതകൾക്ക് കൂടുതൽ മെച്ചപ്പെട്ട തൊഴിൽ സാഹചര്യം ഒരുക്കുക എന്നതാണ് പുതിയ നിയമത്തിന്റെ പ്രധാനദൗത്യം. കുടുംബത്തിന്റെയും, കുട്ടികളുടെയും കാര്യങ്ങളിൽ ശ്രദ്ധ ചെലുത്താനും, ഒപ്പം തന്നെ തൊഴിലിനേയും കൂടെ കൊണ്ടുപോവാനും ഈ നിയമം വഴി സാധിക്കും. നിലവിലുള്ള ജോലി സമയത്തെ കൃത്യം പകുതിയാക്കി കുറച്ചുകൊണ്ടാവും പാർട്ട് ടൈം ജോലി വ്യവസ്ഥ നിലവിൽ വരിക. ഇതിനായി ജീവനക്കാർക്ക് അപേക്ഷ നൽകാവുന്നതാണ്. അപേക്ഷകൾ പരിശോധിച്ച ശേഷം ബന്ധപ്പെട്ട അധികൃതർക്ക് തീരുമാനമെടുക്കാം.