July 21, 2023
July 21, 2023
ന്യൂസ് ഏജൻസി
ദോഹ :അഞ്ച് വർഷങ്ങൾക്ക് മുമ്പ് ബാങ്ക് വായ്പയെടുത്ത് ഖത്തറിൽ നിന്ന് രാജ്യം വിട്ട ബ്രിട്ടീഷ് പൗരൻ ഇറാഖിൽ അറസ്റ്റിലായി. ബ്രിട്ടീഷ് പൗരനും ബ്രിട്ടീഷ് എണ്ണ കമ്പനിയിൽ ജീവനക്കാരനുമായിരുന്ന ബ്രയാൻ ഗ്ലെൻഡ്നിഗ് ആണ് ഇറാഖ് സന്ദർശനത്തിനിടെ അറസ്റ്റിലായതെന്ന് വിദേശമാധ്യമങ്ങൾ റിപ്പോർട്ട് ചെയ്തു.
2018 ൽ ഖത്തർ നാഷണൽ ബാങ്കിൽ നിന്ന് 20,000 ബ്രിട്ടീഷ് പൗണ്ട്(22,124)വായ്പയെടുത്ത പ്രതി വായ്പ തിരിച്ചടക്കാതെ രാജ്യം വിടുകയായിരുന്നു. ഇന്റർപോൾ വഴി ഇദ്ദേഹത്തിനെതിരെ അഞ്ച് വർഷം മുമ്പ് ഖത്തറിൽ അറസ്റ്റ് വാറണ്ട് പുറപ്പെടുവിച്ചിരുന്നു
അതേസമയം,ഖത്തർ വിട്ട ശേഷം സ്കോട്ട്ലൻഡിൽ ജോലി ചെയ്യുകയായിരുന്ന ബ്രയാൻ ഗ്ലെൻഡ്നിഗിന് അസുഖം ബാധിച്ചതിനെ തുടർന്ന് ജോലി നഷ്ടപ്പെട്ടതായും ഇക്കാരണത്താലാണ് വായ്പ തിരിച്ചടക്കാൻ കഴിയാതെ വന്നതെന്നും ഗ്ലെൻഡിനിംഗിന്റെ ഭാര്യ കിംബർലി 'ഗാർഡിയൻ' പത്രത്തോട് പറഞ്ഞു.ഖത്തർ നാഷണൽ ബാങ്കുമായി ഇപ്പോഴും ബന്ധപ്പെടാറുണ്ടെന്നും പ്രതിമാസ പണമടയ്ക്കൽ ഇപ്പോഴും തുടരുന്നുണ്ടെന്നും അവർ പറഞ്ഞു.അറസ്റ്റ് ചെയ്ത് 45 ദിവസത്തിനകം പ്രതിയെ വാദിയായ രാജ്യത്തിന് കൈമാറണമെന്ന നിബന്ധന ഇറാഖ് നടപ്പാക്കുന്നില്ലെന്നും അവർ കുറ്റപ്പെടുത്തി.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/FZrPbBIed7U4lm5VsQzYgH