December 22, 2021
December 22, 2021
ദോഹ : രാജ്യത്തിന്റെ ദേശീയ ദിനാഘോഷങ്ങൾക്കിടെ അപക്വമായി പെരുമാറിയ ബാലന്മാരെ അറസ്റ്റ് ചെയ്തു. റോഡിലൂടെ നടന്ന് പോകുന്ന കുടുംബത്തിന് നേരെ ഇവർ സ്നോ സ്പ്രേ ഉപയോഗിക്കുന്നതിന്റെ ദൃശ്യങ്ങൾ സമൂഹമാധ്യമങ്ങളിൽ വലിയ കോളിളക്കം സൃഷ്ടിച്ചിരുന്നു. പിന്നാലെയാണ് നടപടി.
മൂന്ന് കുട്ടികളാണ് ദൃശ്യങ്ങളിൽ ഉണ്ടായിരുന്നത്. ഒരാൾ കാറിൽ ഇരുന്ന് രംഗങ്ങൾ ചിത്രീകരിക്കുകയും, മറ്റ് രണ്ട് പേർ റോഡിലൂടെ നടന്ന് വരികയായിരുന്ന കുടുംബത്തിന് നേരെ ഫോം സ്പ്രേ ഉപയോഗിക്കുകയായിരുന്നു. 15, 12 വയസുള്ള രണ്ട് കുട്ടികളാണ് സംഭവത്തിൽ പിടിയിലായത്. ഇവരുടെ പ്രായം കണക്കിലെടുത്ത്, പേരുവിവരങ്ങൾ പരസ്യപ്പെടുത്തേണ്ടതില്ലെന്ന് ആഭ്യന്തരമന്ത്രാലയം തീരുമാനിച്ചു. അതേ സമയം, സമാന സംഭവങ്ങൾ ഇനിയും റിപ്പോർട്ട് ചെയ്യപ്പെട്ടാൽ പേരുകൾ പുറത്തുവിടുമെന്നും, അർഹമായ ശിക്ഷ നൽകുമെന്നും മന്ത്രാലയം വ്യക്തമാക്കി. അറസ്റ്റിലായ ഇരുവരെയും തുടർനടപടികൾക്ക് വിധേയരാക്കും.