January 09, 2022
January 09, 2022
ദോഹ : കുട്ടികളിൽ കോവിഡ് പ്രതിരോധശേഷി വർധിപ്പിക്കാനായി ഫിസർ ബയോടെക് തയ്യാറാക്കിയ വാക്സിന് ഖത്തർ ആരോഗ്യ മന്ത്രാലയത്തിന്റെ അംഗീകാരം. 12 മുതൽ 15 വയസുവരെയുള്ള കുട്ടികൾക്കാണ് വാക്സിൻ നൽകുക. ഒമിക്രോണിനെ പ്രതിരോധിക്കാനും വാക്സിന് ശേഷിയുണ്ടെന്നാണ് പ്രതീക്ഷയെന്ന് വെബ്സൈറ്റിൽ പ്രസിദ്ധീകരിച്ച കുറിപ്പിലൂടെ ആരോഗ്യ മന്ത്രാലയം അറിയിച്ചു.
2021 മെയ് മാസത്തിലാണ് കുട്ടികൾക്കും വാക്സിൻ നൽകാൻ ഖത്തർ തീരുമാനിച്ചത്. രാജ്യത്തെ 90 ശതമാനം കുട്ടികളും രണ്ട് ഡോസ് വാക്സിൻ സ്വീകരിച്ചുകഴിഞ്ഞു. വാക്സിനേഷൻ പ്രക്രിയ പൂർത്തിയായി, ആറ് മാസം പിന്നിട്ട കുട്ടികൾക്കാണ് ബൂസ്റ്റർ ഡോസ് നൽകുക. എല്ലാ പ്രൈമറി ഹെൽത്ത് കെയർ സെന്ററുകളിലും ബൂസ്റ്റർ ഡോസ് ലഭ്യമാണെന്നും, സംശയനിവാരണത്തിനും ബുക്കിങ്ങിനും 4027 7077 എന്ന നമ്പറിൽ ബന്ധപ്പെടാമെന്നും അധികൃതർ അറിയിച്ചു.