October 14, 2021
October 14, 2021
ഖത്തർ ബിർള സ്കൂളിന്റെ പുതിയ പ്രിൻസിപ്പാളായി ഹരീഷ് സന്ദുജ ചുമതലയേറ്റു. 2017 മുതൽ പ്രിൻസിപ്പാൾ ആയിരുന്ന എ പി ശർമയുടെ ഒഴിവിലേക്കാണ് സന്ദുജ നിയമിതനായത്. വിദ്യാഭ്യാസ മേഖലയിൽ ഏറെ പുരസ്കാരങ്ങൾ സ്വന്തമാക്കിയിട്ടുള്ള സന്ദുജ 25 വർഷക്കാലമായി വിദ്യാഭ്യാസരംഗത്ത് സജീവ സാന്നിധ്യമാണ്.
ഗണിതശാസ്ത്രത്തിൽ ബിരുദാനന്തരബിരുദവും, കൊൽക്കത്തയിൽ നിന്ന് വാല്യൂ ബേസ്ഡ് ലീഡർഷിപ്പ് പ്രോഗ്രാം ഫോർ എജുക്കേഷൻ ലീഡേഴ്സ് കോഴ്സും പൂർത്തിയാക്കിട്ടുണ്ട്. എജുക്കേഷനിലും ബിരുദം സ്വന്തമാക്കിയ സന്ദുജ, ഇന്ത്യയിലെ നിരവധി സ്ഥാപനങ്ങളുടെ പ്രിൻസിപ്പാൾ ആയി പ്രവർത്തിച്ചിട്ടുണ്ട്.