January 24, 2022
January 24, 2022
ചമ്പാരൻ : തന്റെ ഉടമസ്ഥതയിലുള്ള സ്ഥലത്തേക്ക് കടന്നുകയറി എന്നാരോപിച്ച്, ക്രിക്കറ്റ് കളിച്ചുകൊണ്ടിരിക്കുകയായിരുന്ന കുട്ടികളെ ആക്രമിക്കാൻ ശ്രമിച്ച മന്ത്രി പുത്രന് നാട്ടുകാരുടെ മർദ്ദനം. ബീഹാറിലെ ബിജെപി നേതാവും, ടൂറിസം മന്ത്രിയുമായ നാരായൺ പ്രസാദിന്റെ മകൻ ബബ്ലു കുമാറിനെയും സംഘത്തെയുമാണ് നാട്ടുകാർ കൈകാര്യം ചെയ്തത്. സംഭവത്തിന്റെ ദൃശ്യങ്ങൾ ദേശീയ മാധ്യമങ്ങളിലൂടെ ചർച്ചയാവുകയും ചെയ്തു.
Bihar BJP Minister Narayan Prasad's son Bablu,opened gun fire on village kids playing cricket in Hardia village,Bettiah. Is this Democracy? Where are poor small kids playing cricket are thretenened with Gun? Plzz respond @RahulGandhi @yadavtejashwi pic.twitter.com/cdmWUWxC5s
— Kumar (@brightgaurav) January 23, 2022
കുട്ടികളെ ഭീഷണിപ്പെടുത്തിയ ബബ്ലു കുമാർ, തന്റെ കൈവശമുണ്ടായിരുന്ന പിസ്റ്റൾ ഉപയോഗിച്ച് ആകാശത്തേക്ക് വെടിവെച്ചെന്നാണ് നാട്ടുകാരുടെ ആരോപണം. ഇതിൽ പ്രകോപിതരായ നാട്ടുകാർ ഇവരെ ആക്രമിക്കുകയും വാഹനം അടിച്ചുതകർക്കുകയും ചെയ്തു. ബബ്ലുകുമാറിന്റെ കൈവശമുണ്ടായിരുന്ന തോക്ക് ഗ്രാമീണർ പിടിച്ചെടുത്തു. മന്ത്രിയുടെ മകനെ കൂടാതെ, നാലോളം ആളുകൾ സംഘത്തിൽ ഉണ്ടായിരുന്നെന്നും, ആക്രമണത്തിൽ പരിക്കേറ്റ ഇവരെ ആശുപത്രിയിൽ പ്രവേശിപ്പിച്ചെന്നും പോലീസ് സൂപ്രണ്ട് ഉപേന്ദ്ര വർമ അറിയിച്ചു. മകന്റെ തോക്കിന് ലൈസൻസ് ഉണ്ടെന്നും, അവൻ വെടിയുതിർത്തിട്ടില്ലെന്നുമാണ് സംഭവത്തിൽ മന്ത്രി നാരായൺ പ്രസാദ് പ്രതികരിച്ചത്.