March 15, 2020
March 15, 2020
ദോഹ : കോവിഡ് വ്യാപനത്തിന്റെ പശ്ചാത്തലത്തിൽ സംരംഭകർക്കും സ്ഥാപന ഉടമകൾക്കും ആശ്വാസം നൽകാൻ ബർവ റിയൽ എസ്റ്റേറ്റ് ഗ്രൂപ് തങ്ങളുടെ ഇടപാടുകാർക്ക് മൂന്നു മാസത്തെ വാടകയിൽ ഇളവ് നൽകി. ഏപ്രിൽ മുതൽ മൂന്നു മാസം വരെ വാടക നൽകേണ്ടതില്ലെന്നാണ് കമ്പനി അറിയിച്ചത്. ഇതനുസരിച്ച്, ഏപ്രിൽ,മെയ്,ജൂൺ മാസങ്ങളിൽ കമ്പനിക്ക് വാടക നൽകേണ്ടതില്ല.കടകൾ,ഓഫീസുകൾ,സ്റ്റോറുകൾ എന്നിവയ്ക്ക് ഇളവ് ബാധകമാണ്. മുശൈരിബ് പ്രോപ്പർട്ടീസും തങ്ങളുടെ ഉടമസ്ഥതയിലുള്ള വാണിജ്യ സ്ഥാപനങ്ങൾക്ക് വാടകയും കഹ്റാമ ഫീസുകളും ഒനൽകാൻ മൂന്നു മാസത്തെ സാവകാശം അനുവദിച്ചിട്ടുണ്ട്.
കൊറോണാ വ്യാപനം രാജ്യത്തെ കച്ചവട സ്ഥാപനങ്ങളെയും ബിസിനസിനെയും ബാധിച്ചു തുടങ്ങിയ സാഹചര്യത്തിലാണ് നടപടി. വൈറസ് വ്യാപനം വിപണിയിൽ വലിയ പ്രത്യാഘാതങ്ങളുണ്ടാക്കിയ സാഹചര്യത്തിൽ ദോഹ നാഷണൽ ബാങ്കും വായ്പാ തിരിച്ചടവുകൾക്ക് മൂന്ന് മാസത്തെ സാവകാശം അനുവദിച്ചിട്ടുണ്ട്. രണ്ടാഴ്ചത്തെ അവധി പ്രഖ്യാപിച്ച സാഹചര്യത്തിൽ ഖത്താറയിലെ എല്ലാ വാണിജ്യ സ്ഥാപനങ്ങൾക്കും വാടക കുടിശ്ശിക നൽകാൻ മൂന്നു മാസത്തെ സാവകാശം അനുവദിച്ചിട്ടുണ്ട്.
ന്യൂസ്റൂം വാർത്തകൾ മുടങ്ങാതെ ലഭിക്കാത്തവർ +974 66200 167 എന്ന നമ്പറിലേക്ക് സന്ദേശം അയക്കുക.