September 05, 2021
September 05, 2021
ദോഹ : കോവിഡ് മഹാമാരിയിൽ നിന്നും വിദ്യാർത്ഥികളെയും അധ്യാപകരെയും സുരക്ഷിതരാക്കാൻ അണുനശീകരണ യജ്ഞവുമായി ഉമ്മുസലൽ മുനിസിപ്പാലിറ്റി. ദോഹയിലെ പതിനാറോളം സ്കൂളുകളിലാണ് മുനിസിപ്പാലിറ്റിയുടെ ആരോഗ്യപ്രവർത്തകർ അണുനശീകരണം നടത്തിയത്.
പുതിയ അധ്യയനവർഷം ആരംഭിച്ചതോടെ വിദ്യാർത്ഥികൾ സ്കൂളിലേക്ക് വന്നുതുടങ്ങിയതിനാലാണ് നടപടി. സ്കൂളുകളുടെ പരിസരത്തും, ക്ലാസ് മുറികളിലും, വരാന്തകളിലും, ബാത്റൂമുകളിലും അണുനാശിനി തളിച്ച് ശുദ്ധീകരിച്ചതായി അധികൃതർ അറിയിച്ചു. അൽ ശമൽ മുനിസിപ്പാലിറ്റിയിലെ അധികൃതരും തങ്ങളുടെ പരിധിയിലെ സ്കൂളുകൾ ശുചീകരിച്ചു.