June 17, 2021
June 17, 2021
ന്യൂയോർക്ക് സിറ്റി: മാൻഹാട്ടനിൽ ഖത്തർ കോൺസുലർ ജനറലിന്റെ കാറ് തട്ടിക്കൊണ്ടുപോകാൻ ശ്രമം.ബുധനാഴ്ച രാവിലെ 10 മണിയോടെയാണ് സംഭവം. കോൺസലറുടെ കാർ ഈസ്റ്റ് 51 സ്ട്രീറ്റിൽ നിർത്തിയ ശേഷം ഡ്രൈവർ വാഹനം കഴുകുകയായിരുന്നു. കാറിൻ്റെ ചാവി ഉള്ളിലായിരുന്നു ഉണ്ടായിരുന്നത്. പൊടുന്നനെ പ്രത്യക്ഷപ്പെട്ട കള്ളൻ കാറ് തട്ടിയെടുത്ത് ഓടിച്ചു പോവുകയായിരുന്നു.എന്നാൽ ഇയാൾ മറ്റ് നിരവധി വാഹനങ്ങളെ ഇടിക്കുകയും ഒരു ഭക്ഷണശാല തകർക്കുകയും ചെയ്തു.പൊലിസ് കള്ളനെ അറസ്റ്റ് ചെയ്തിട്ടുണ്ട്. പരുക്കേറ്റ ഇയാൾ ബെലവ്യൂ ആശുപത്രിയിൽ പ്രവേശിപ്പിച്ചു.