September 16, 2019
September 16, 2019
ദോഹ : ദോഹയിലെ ആസ്പയർ സോൺ എട്ടാമത് ടോർച്ച് സ്റ്റെയർകെയ്സ് റൺ മത്സരം സംഘടിപ്പിക്കുന്നു.ഒക്ടോബർ 25 ന് ഉച്ചയ്ക്ക് ഒരു മണി മുതൽ വൈകീട്ട് 6 വരെയാണ് മത്സരം നടക്കുക.51 നിലകളുള്ള കെട്ടിടത്തിൽ ഓടിക്കയറിയുന്നവർക്കാണ് സമ്മാനങ്ങൾ കൈപ്പിടിയിലാക്കാൻ കഴിയുക.
8 മുതൽ 40 വയസ്സ് വരെ പ്രായമുള്ളവർക്ക് മത്സരത്തിൽ പങ്കെടുക്കാം. പ്രായ പരിധിയെ അടിസ്ഥാനമാക്കി മൂന്ന് വിഭാഗങ്ങളായി തിരിച്ചാണ് മത്സരം. ജൂനിയർ വിഭാഗത്തിൽ 8 മുതൽ 11 വയസ്സ് വരെ പ്രായമുള്ള ആൺകുട്ടികൾക്കും പെൺകുട്ടികൾക്കും മത്സരത്തിൽ പങ്കെടുക്കാം. ഈ വിഭാഗത്തിൽ പെട്ട മത്സരാർത്ഥികൾ 19 നിലകൾ വരെയുള്ള പട്ടികൾ ഓടിക്കയറിയാൽ മതിയാവും. 18 മുതൽ 39 വയസ്സ് വരെ പ്രായമുള്ള സ്ത്രീകൾക്കും പുരുഷന്മാർക്കുമായാണ് രണ്ടാമത്തെ വിഭാഗം.ഇവർ 51 നിലകൾ ഓടിക്കയറണം. 40 വയസ്സ് മുതൽ പ്രായമുള്ളവർ മൂന്നാമത്തെ വിഭാഗത്തിലാണ് ഉൾപെടുത്തിയിട്ടുള്ളത്.ഇവരും 51 നിലകൾ കയറേണ്ടി വരും.മൂന്ന് വിഭാഗങ്ങളിലായി ആദ്യം ഓടിയെത്തുന്നവരെ വിജയിയായി പ്രഖ്യാപിക്കും.
സ്തനാർബുദ ബോധവത്കരണ മാസവുമായി ബന്ധപ്പെടുത്തിയാണ് ഇത്തവണ മത്സരം സംഘടിപ്പിക്കുന്നത്.
ടോർച് ടവറിൽ മത്സരത്തിനായി എത്തുന്നവർക്ക് ആരോഗ്യ പരിശോധന നടത്തി ഫിറ്റ്നസ് ഉറപ്പ് വരുത്താനും സൗകര്യം ഒരുക്കും.മത്സരത്തിൽ പങ്കെടുക്കാൻ ജൂനിയർ വിഭാഗത്തിൽ 100 ഖത്തർ റിയാലും മുതിർന്നവർക്ക് 200 റിയാലുമാണ് പ്രവേശന ഫീസ്.
രജിസ്റ്റർ ചെയ്യാനുള്ള ലിങ്ക് :
http://crm.aspirezone.qa/Registrations/TorchStairRun.aspx?event=wGAmJvKVXGka+DlYykUlyg==
