July 05, 2021
July 05, 2021
ദോഹ:ഖത്തറിന്റെ ഹാമര് ത്രോ താരത്തിന് ടോക്കിയോ ഒളമ്പിക്സ് യോഗ്യത.അഷറഫ് അംജദ് അല് സൈഫിക്കാണ് ഒളിമ്പിക്സ് യോഗ്യത ലഭിച്ചത്. സെപ്യിനിലെ കാസ്റ്റെലോണില് നടന്ന ചാമ്പ്യന്ഷിപ്പിലൂടെയാണ് യോഗ്യത മാര്ക്ക് നേടിയത്. 26കാരനായ അഷ്റഫ് അംജദ് 2016 റിയോ ഒളിമ്പിക്സില് ഹാമര്ത്രോയില് മികച്ച പ്രകടനം നടത്തി ഫൈനല് റൗണ്ടിലെത്തിയ താരമാണ്. ജൂലൈ 23 മുതല് ഓഗസ്റ്റ് എട്ടുവരെ ജപ്പാനിലെ ടോക്യോ വേദിയാവുന്ന ഒളിമ്പിക്സ് യോഗ്യത നേടുന്ന അഞ്ചാമത്തെ ഖത്തര് അത്ലറ്റാണ് അഷ്റഫ് അംജദ്. ഹൈജംപ് ഒളിമ്പിക്സ് വെള്ളി മെഡല് ജേതാവ് മുതാസ് ഈസ ബര്ഷിം, 1500 മീറ്ററില് മുസഅബ് ആദം, 400 മീറ്റര് ഹര്ഡ്ല്സില് അബ്ദുല് റഹ്മാന് സാംബ, 800 മീറ്ററില് അബുബകര് ഹൈദര് എന്നിവരാണ് നേരത്തേ യോഗ്യത നേടിയത്.