April 18, 2022
April 18, 2022
ദോഹ : ദോഹ ഡി റിംഗ് റോഡിൽ ഇന്ന് മുതൽ ഏഴ് ദിവസത്തേക്ക് അർധരാത്രി സമയങ്ങളിൽ അഞ്ച് മണിക്കൂർ വീതം ഭാഗികമായി ഗതാഗതനിയന്ത്രണം ഏർപ്പെടുത്തുമെന്ന് അഷ്ഗാൽ അറിയിച്ചു.ഓൾഡ് എയർപോർട്ടിൽ നിന്ന് വടക്ക് ഭാഗത്തേക്കുള്ള പാതയും റൗദത്ത് അൽ സ്ട്രീറ്റിന്റെ ചില ഭാഗങ്ങളുമാണ് ഇന്ന് മുതൽ ഏപ്രിൽ 23 ഞായറാഴ്ച വരെ അർധരാത്രി സമയങ്ങളിൽ അടക്കുക.ഈ സമയങ്ങളിൽ ലക്ഷ്യസ്ഥാനങ്ങളിൽ എത്താൻ വാഹന യാത്രക്കാർ ഫ്രീജ് അൽ അലി, നുഐജ ഇന്റർസെക്ഷനുകൾ ഉപയോഗിക്കണമെന്ന് അഷ്ഗാൽ ഓർമിപ്പിച്ചു.
അതേസമയം, വാദി അൽ വജ്ബ സ്ട്രീറ്റിനും വാദി സഫറാൻ സ്ട്രീറ്റിനും ഇടയിൽ ഇരു ദിശകളിലുമുള്ള വാദി അൽ അസ്കർ സ്ട്രീറ്റിന്റെ ഒരു ഭാഗം ഇന്ന് മുതൽ താൽക്കാലികമായി അടച്ചിടുമെന്നും അഷ്ഗാൽ മുന്നറിയിപ്പ് നൽകിയിട്ടുണ്ട്.ഈ സമയത്ത്, വാദി അൽ അസ്കർ സ്ട്രീറ്റിലേക്കുള്ള യാത്രക്കാർക്ക് വാദി അൽ വജ്ബ സ്ട്രീറ്റിലേക്കോ വാദി സഫറാൻ സ്ട്രീറ്റിലേക്കോ തിരിഞ്ഞ് ഐൻ സിനാൻ സ്ട്രീറ്റ് വഴി ലക്ഷ്യസ്ഥാനത്ത് എത്താനാവും.ഇന്ന് മുതൽ നാല് ദിവസത്തേക്കാണ് ഈ ഭാഗത്ത് ഗതാഗത നിയന്ത്രണം ഉണ്ടാവുക.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
