March 31, 2022
March 31, 2022
ദോഹ : തിരഞ്ഞെടുക്കപ്പെട്ട വിഭാഗങ്ങൾക്ക് കോവിഡിനെതിരെ നാലാം ഡോസ് വാക്സിൻ നൽകാൻ ഖത്തർ പൊതുജനാരോഗ്യമന്ത്രാലയത്തിന്റെ അനുമതി. ഫൈസർ, മോഡേർണ എന്നീ വാക്സിനുകളാണ് പ്രത്യേകവിഭാഗങ്ങൾക്ക് നാലാം ഡോസായി നൽകുക. രോഗം പടരാൻ ഏറ്റവും സാധ്യത കല്പിക്കപ്പെടുന്ന ആളുകളിലാണ് നാലാം ഡോസ് കുത്തിവെപ്പ് നടത്തുകയെന്നും ഇത്തരക്കാരിൽ നാല് മാസത്തിന് ശേഷം പ്രതിരോധശേഷി കുറയുന്നതായി കണ്ടെത്തിയതിനാലാണ് നടപടിയെന്നും മന്ത്രാലയം അറിയിച്ചു. മൂന്നാം ഡോസ് സ്വീകരിച്ച് നാല് മാസം പിന്നിട്ടവർ / കോവിഡിൽ നിന്ന് നാല് മാസം മുൻപ് മുക്തി നേടിയവർ എന്നിവരെയാണ് അടുത്ത ഡോസിന് പരിഗണിക്കുക. നാലാം ഡോസിന് അർഹരായവരെ ആരോഗ്യമന്ത്രാലയം അധികൃതർ നേരിട്ട് ബന്ധപ്പെടും. 4027 7077 എന്ന നമ്പറിൽ പേര് രജിസ്റ്റർ ചെയ്തും, പ്രാഥമിക ആരോഗ്യ കേന്ദ്രങ്ങളിൽ നേരിട്ടെത്തിയും നാലാം ഡോസ് സ്വീകരിക്കാം.
നാലാം ഡോസ് സ്വീകരിക്കേണ്ട വിഭാഗങ്ങൾ
* അറുപത് വയസിന് മുകളിൽ പ്രായമുള്ളവർ
* ക്യാൻസർ രോഗത്തിന് ചികിത്സ തേടുന്നവർ
* അവയവമാറ്റിവെക്കൽ ശസ്ത്രക്രിയക്ക് വിധേയരാവർ, പ്രതിരോധശേഷിക്ക് വർധിപ്പിക്കാൻ മരുന്ന് കഴിക്കുന്നവർ
* കഴിഞ്ഞ രണ്ട് വർഷത്തിനിടെ സ്റ്റം സെൽ മാറ്റിവെക്കൽ ശസ്ത്രക്രിയ നടത്തിയവർ
* എയ്ഡ്സ് രോഗബാധയുള്ളവർ
* തീവ്രത കൂടിയ, കോർട്ടിസ്റ്റെറോയിഡ് പോലെയുള്ള മരുന്നുകൾ ഉപയോഗിക്കുന്നവർ
* ഗുരുതരരോഗങ്ങളുള്ളവർ