September 10, 2019
September 10, 2019
ദോഹ : ഖത്തറിലെ ഹമദ് ആശുപത്രിക്ക് കീഴിലുള്ള പശ്ചിമേഷ്യയിലെ ഏറ്റവും വലിയ ട്രോമ-എമര്ജന്സി കേന്ദ്രം ഖത്തര് അമീര് ഷെയ്ഖ് തമീം ബിൻ ഹമദ് അൽതാനി ഉദ്ഘാടനം ചെയ്തു.
ട്രോമ-എമര്ജന്സി കേന്ദ്രത്തോടൊപ്പം പുതിയ ഹൈപ്പര്ബാറിക് തെറാപി യൂനിറ്റും ആരംഭിച്ചിട്ടുണ്ട്. ഖത്തറിലെ തന്നെ ഈ രംഗത്തുള്ള ആദ്യ സജ്ജീകരണമാണിത്. വിവിധ തരത്തിലുള്ള രോഗാവസ്ഥയിലുള്ളവര്ക്ക് ഓക്സിജന് തെറാപ്പി നല്കാനാകുന്നതാണ് ഈ സംവിധാനം. ഒരേസമയം 18 രോഗികളെ ഇവിടെ ഉള്ക്കൊള്ളാനാകും.ഉദ്ഘാടന ചടങ്ങില് പ്രധാനമന്ത്രിയും ആഭ്യന്തര മന്ത്രിയുമായ ശൈഖ് അബ്ദുല്ല ബിന് നാസര് ബിന് ഖലീഫ അല്ഥാനിയും മറ്റു പ്രമുഖരും പങ്കെടുത്തു. കേന്ദ്രത്തിലെ ഓക്സിജന് തെറാപ്പി റൂം,പുതിയ വൈദ്യപരിചരണ-രോഗനിര്ണയ സാമഗ്രികള്, സാങ്കേതികവിദ്യകള് എന്നിവ അമീര് നേരിട്ടു കണ്ടു വിലയിരുത്തി.