February 08, 2022
February 08, 2022
ദോഹ : രാജ്യത്തിന്റെ ദേശീയ കായിക ദിനാഘോഷങ്ങളുടെ ഭാഗമായി നടന്ന പരിപാടിയിൽ അമീർ ഷെയ്ഖ് തമിം ബിൻ ഹമദ് അൽ താനിയും പങ്കെടുത്തു. ഇന്ന് രാവിലെയാണ് അമീർ അൽ ബൈത്ത് സ്റ്റേഡിയത്തിലെ മത്സരവേദി സന്ദർശിച്ചത്.
ഏതാനും പ്രൈമറി സ്കൂൾ വിദ്യാർത്ഥികൾക്കൊപ്പം അൽ ബൈത്ത് സ്റ്റേഡിയത്തിന് സമീപമുള്ള പാർക്കിലെ നടപ്പാതയിലൂടെ നടന്ന അമീർ, കുട്ടികളുമായി സൗഹൃദസംഭാഷണങ്ങളിൽ ഏർപ്പെടുകയും ചെയ്തു. നവംബറിൽ നടക്കാനിരിക്കുന്ന ലോകകപ്പിന്റെ ഉദ്ഘാടന മത്സരത്തിന് വേദിയായി നിർണ്ണയിക്കപ്പെട്ട അൽ ബൈത്തിന് ചുറ്റുമായാണ് പാർക്ക് തയ്യാറാക്കിയിട്ടുള്ളത്. ഓടാനും, സൈക്ലിങിനും ഉള്ള പ്രത്യേക ട്രാക്കുകൾക്കൊപ്പം, കുതിര സവാരിക്കുള്ള സൗകര്യങ്ങളും അൽ ബൈത്ത് പാർക്കിലുണ്ട്. ലോകകപ്പിന്റെ പ്രധാന ആകർഷണങ്ങളിൽ ഒന്നായി പാർക്ക് മാറുമെന്നാണ് വിലയിരുത്തപ്പെടുന്നത്.