October 21, 2021
October 21, 2021
ദോഹ: ഖത്തര് കാത്തിരുന്ന അമീര് കപ്പ് ഫൈനലും അല് തുമാമ സ്റ്റേഡിയത്തിന്റെ കിക്കോഫും ഒന്നിക്കുന്ന വെള്ളിയാഴ്ച. കാണികള്ക്കായി ഒരുക്കിയ 40,000 ടിക്കറ്റുകളില് 90 ശതമാനവും വിറ്റുതീര്ന്നതായി സംഘാടകര്. ഇനിയുള്ള ഒരു ദിനത്തിനുള്ളില് ശേഷിക്കുന്ന ടിക്കറ്റുകളും വിറ്റുതീരുമെന്ന ഉറപ്പിലാണ് സംഘാടകര്. കോവിഡിന് ശേഷമുള്ള ഖത്തറിലെ ആവേശ മത്സരത്തിന് വിസിൽ മുഴങ്ങുന്നതും കാത്തിരിക്കുകയാണ് ഖത്തറിലെ കാൽപന്ത് പ്രേമികൾ. പോരാട്ടത്തിന് മുന്നോടിയായി അമീര് കപ്പ് ഫൈനലില് മാറ്റുരക്കുന്ന ടീമുകളുടെ പരിശീലകര് മത്സരവേദിയായ അല് തുമാമ സ്റ്റേഡിയം സന്ദര്ശിച്ചു. അല് റയ്യാൻ കോച്ച് മുന് ഫ്രഞ്ച് ലോകചാമ്ബ്യന് ടീം അംഗം കൂടിയായ ലോറന്റ് ബ്ലാങ്കും അല് സദ്ദിന്റെ സൂപ്പര് കോച്ചും 2010 ലോകചാമ്ബ്യന് ടീം അംഗവുമായ സാവി ഹെര്ണാണ്ടസുമാണ് ബുധനാഴ്ച മത്സരവേദി സന്ദര്ശിച്ചത്. വണ്ടര് ഫുള് സ്റ്റേഡിയം എന്നായിരുന്നു സാവിയുടെ വിശേഷണം. 'കാണികള്ക്കും കളിക്കാര്ക്കും കോച്ചെന്ന നിലയില് എനിക്കും ഇതൊരു വിസ്മയക്കാഴ്ചയാണ്. ഈ സ്റ്റേഡിയം ഉദ്ഘാടനത്തിന്റെ ഭാഗമാവുന്നതില് അഭിമാനം. ഖത്തറിെന്റ പാരമ്ബര്യവും പൈതൃകവും ഒന്നിക്കുന്നതാണ് ഈ സ്റ്റേഡിയം' -സാവി പറഞ്ഞു.
'ഏറ്റവും മനോഹരം. ലോകകപ്പിനായി ഒരുങ്ങിയ എല്ലാം സ്റ്റേഡിയങ്ങളും ഒന്നിനൊന്ന് മികച്ചതാണ്. അതില്നിന്നും വേറിട്ട ഒന്നുകൂടിയാണ് തുമാമ' -ലോറന്റ് ബ്ലാങ്ക് പ്രതികരിച്ചു.
ഒരു ഖത്തർ റിയാലിന് ഖത്തർ സിറ്റി എക്സ്ചേഞ്ചിൽ ഇന്നത്തെ വിനിമയ നിരക്ക് 20.35,മൊബൈൽ ആപ് 20.42
ന്യൂസ്റൂം വാർത്തകൾ ലഭിക്കാൻ +974 66200167 എന്ന വാട്സ്ആപ് നമ്പറിൽ സന്ദേശം അയക്കുക