February 14, 2022
February 14, 2022
ദോഹ : മെക്കാനിക്കൽ എക്വിപ്മെന്റ് ഡിപ്പാർട്മെന്റിന്റെ സഹകരണത്തോടെ മുനിസിപ്പാലിറ്റി പരിധിയിലെ കെട്ടിടനിർമാണമാലിന്യങ്ങൾ എടുത്തുകളയാനുള്ള നടപടികൾ സ്വീകരിച്ച് അൽ വക്ര മുനിസിപ്പാലിറ്റി. അബ അൽ സലീൽ, ബിർകാത് അൽ അവാമർ തുടങ്ങിയ പ്രദേശങ്ങളാണ് ശുചിയാക്കിയത്. ചളിയും ചരൽകല്ലുകളും അടക്കം, കെട്ടിടനിർമാണത്തിന് ശേഷം ബാക്കിയായ 125 ടണ്ണോളം വസ്തുക്കളാണ് അബ അൽ സലീൽ പ്രദേശത്ത് നിന്ന് നീക്കം ചെയ്തത്.
സ്വകാര്യകമ്പനിയുടെ സഹായത്തോടെ ആകെ മൊത്തം 6250 ടൺ ഖരമാലിന്യങ്ങളാണ് ബിർകാത് അൽ അവാമറിൽ നിന്നും ശേഖരിച്ചത്. മുനിസിപ്പാലിറ്റിയുടെ പരിസരങ്ങൾ ശുചിയായി സൂക്ഷിക്കാനുള്ള പ്രത്യേക പദ്ധതി പ്രകാരമാണ് ക്ലീനിങ് നടത്തിയത്. അൽ റയ്യാൻ മുനിസിപ്പാലിറ്റിയിലും നഗരത്തിന്റെ മോടി കൂട്ടാനുള്ള പരിപാടികൾ നടന്നു. പൂന്തോട്ടങ്ങൾ വെട്ടി വൃത്തിയാക്കിയും ഖലീഫ ഷാബിയ പ്രദേശത്തെ പൂക്കൾക്കും മരങ്ങൾക്കും വേണ്ടി ജലസേചന പദ്ധതി വിപുലീകരിച്ചുമാണ് അൽ റയ്യാൻ മുനിസിപ്പാലിറ്റി ശുചീകരണ പ്രവർത്തനങ്ങളിൽ പങ്കെടുത്തത്.
