August 26, 2019
August 26, 2019
ദോഹ: ഖത്തറിലെ പ്രമുഖ അറബ് ദിനപത്രമായ അൽ ശർഖിന്റെ പേരിൽ സമൂഹ മാധ്യമങ്ങളിൽ വ്യാജ അക്കൗണ്ടുകൾ പ്രവർത്തിക്കുന്നതായി മാനേജ്മെന്റ് അറിയിച്ചു. അൽ ശർഖിന്റെ പേരിൽ വ്യാജവാർത്തകൾ ഉണ്ടാക്കി പ്രചരിപ്പിക്കുന്നതായും വായനക്കാർ ജാഗ്രത പുലർത്തണമെന്നും അധികൃതർ മുന്നറിയിപ്പ് നൽകി. ഖത്തറിനെതിരെ ചില അയൽ രാജ്യങ്ങൾ ഉപരോധം പ്രഖ്യാപിച്ചത് മുതൽ വായനക്കാരെ തെറ്റിദ്ധരിപ്പിക്കുന്ന തരത്തിൽ ചില മാധ്യമങ്ങളുടെ പേരിൽ വ്യാജ വാർത്തകൾ പ്രചരിക്കുന്നതായി നേരത്തെയും റിപ്പോർട്ടുകൾ ഉണ്ടായിരുന്നു.
ഖത്തറിന്റെ ഔദ്യോഗിക വാർത്താ ഏജൻസിയായ ക്യു.എൻ.എ യുടെ പേരിൽ ഖത്തർ അമീറിന്റേതായി വന്ന വ്യാജ റിപ്പോർട്ട് ചൂണ്ടിക്കാട്ടിയാണ് ഖത്തറിനെതിരെ ഏതാനും അയൽരാജ്യങ്ങൾ ഉപരോധം പ്രഖ്യാപിച്ചത്. ഇതുമായി ബന്ധപ്പെട്ട് രാജ്യാന്തര തലത്തിൽ ഇപ്പോഴും അന്വേഷണം നടക്കുകയാണ്.