June 29, 2021
June 29, 2021
ദോഹ: ക്യു.എന്.സി.സി വാക്സിനേഷന് സെന്ററും വക്രയിലെ ഡ്രൈവ് ത്രൂ സൗകര്യവും ഇന്നും നാളെയുമായി അടക്കുമെന്ന് ഖത്തര് പൊതു ജനാരോഗ്യ മന്ത്രാലയം. ഇന്റസ്ട്രിയല് ഏരിയയില് വിശാലമായ വാക്സിനേഷന് കേന്ദ്രം തുറന്നതോടെ ഇവ അടക്കുമെന്ന് നേരത്തെ തന്നെ റിപ്പോര്ട്ടുണ്ടായിരുന്നു.ക്യു.എന്.സി.സി കേന്ദ്രത്തിന്റെ അവസാന പ്രവൃത്തി ദിനം ഇന്നാണ്. വക്റയില് നാളെ രാത്രിയോടെ പ്രവര്ത്തനം അവസാനിപ്പിക്കും.അധ്യാപകര്ക്കും ജീവനക്കാര്ക്കും വേണ്ടിയായിരുന്നു കു.എന്.സി.സി കേന്ദ്രം പ്രധാനമായും പ്രവര്ത്തിച്ചിരുന്നത്. ലൂസൈല് ഡ്രൈവ് ത്രൂ സെന്റര് ഇക്കഴിഞ്ഞ 23 ന് അടച്ചിരുന്നു. ഇന്റസ്ട്രിയല് ഏരിയയിലെ വാക്സിന് കേന്ദ്രത്തില് പ്രതിദിനം 25,000 പേര്ക്ക് വാക്സിന് നല്കാന് കഴിയും.