April 04, 2021
April 04, 2021
ദോഹ : അൽവക്ര ആശുപത്രിയിൽ നവജാത ശിശുക്കളുടെ ജനന സർട്ടിഫിക്കറ്റിനുള്ള രജിസ്ട്രേഷൻ നടപടികൾ താൽകാലികമായി നിർത്തിവെച്ചതായി പൊതുജനാരോഗ്യമന്ത്രാലയം അറിയിച്ചു.ജനന സർട്ടിഫിക്കറ്റിനുള്ള നടപടിക്രമങ്ങൾ പൂർത്തിയാക്കിയവർക്ക് സർട്ടിഫിക്കറ്റുകൾ ലഭിക്കുന്നതിന് വനിതാ ആരോഗ്യ ഗവേഷണ കേന്ദ്രത്തിലെ നവജാത രജിസ്ട്രേഷൻ ഓഫീസിനെ സമീപിക്കാമെന്നും അധികൃതർ അറിയിച്ചു.
വിമൻസ് ഹെൽത്ത് ആൻഡ് റിസർച്ച് സെന്റർ, സിദ്ര മെഡിസിൻ, അൽ-അഹ്ലി ഹോസ്പിറ്റൽ എന്നിവിടങ്ങളിലെ നവജാത രജിസ്ട്രേഷൻ ഓഫീസുകളിൽ രാവിലെ 7:30 മുതൽ 12:30 വരെയും ഉച്ചയ്ക്ക് 2:30 മുതൽ 6:30 വരെയുമാണ് ഈ സേവനങ്ങൾ ലഭിക്കുക.
അതേസമയം,അൽ ഖോർ ഹോസ്പിറ്റൽ,അൽ ഇമാദി ഹോസ്പിറ്റൽ,ദോഹ ക്ലിനിക്ക് ഹോസ്പിറ്റൽ എന്നിവിടങ്ങളിൽ രാവിലെ മാത്രമാണ് ഈ സേവനങ്ങൾ ഉണ്ടാവുക. ജനന സർട്ടിഫിക്കറ്റിനുള്ള രജിസ്റ്റർ നടപടികൾ പൂർത്തിയാക്കുന്നതിന് പൊതുജനാരോഗ്യ മന്ത്രാലയത്തിന്റെ വെബ്സൈറ്റിലെ https://eservices.moph.gov.qa/bcmoi/faces/informantW
izard.xhtml എന്ന ലിങ്ക് ഉപയോഗപ്പെടുത്തണമെന്നും മന്ത്രാലയം നിർദേശിച്ചു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക