August 26, 2021
August 26, 2021
ദോഹ : കാബൂളിൽ നിന്നുള്ള ഒഴിപ്പിക്കൽ തുടരുന്നതിനിടെ ഐഎസ് ബന്ധമുണ്ടെന്ന് സംശയിക്കുന്ന അഫ്ഗാൻ പൗരൻ ഖത്തറിൽ പിടിയിലായതായി സൂചന. അൽ ഉദൈദ് വ്യോമതാവളത്തിൽ വെച്ചാണ് ഇയാൾ അറസ്റ്റിലായത്. ഇയാളെ കൂടാതെ നൂറോളം പേരെ കർശനപരിശോധനയ്ക്ക് വിധേയരാക്കിയതായും ന്യൂയോർക് പോസ്റ്റ് റിപ്പോർട്ട് ചെയ്തു.. നേരത്തെ, ഏത് നിമിഷവും ഐഎസ് ന്റെ അക്രമണമുണ്ടാവുമെന്ന് ഭയപ്പെടുന്നതായി അമേരിക്കൻ പ്രസിഡന്റ് ബൈഡൻ വ്യക്തമാക്കിയിരുന്നു.
ഓഗസ്റ്റ് 31 മുൻപ് എല്ലാ അമേരിക്കൻ പൗരന്മാരെയും അഫ്ഗാൻ അതിർത്തി കടത്തണമെന്ന താലിബാന്റെ മുന്നറിയിപ്പ് പാലിക്കാനുള്ള യജ്ഞത്തിലാണ് അമേരിക്ക. ഓഗസ്റ്റ് 14 മുതലുള്ള കണക്കുകൾ പ്രകാരം 82, 300 ആളുകൾ അഫ്ഗാനിസ്ഥാനിൽ നിന്നും പുറത്തേക്ക് കടന്നുകഴിഞ്ഞു. കഴിഞ്ഞ 24 മണിക്കൂറിൽ മാത്രം 42 അമേരിക്കൻ വിമാനങ്ങളിലായി 11, 200 പേരാണ് രാജ്യം വിട്ടത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ 0097466200167 എന്ന വാട്സ്ആപ് നമ്പറിലേക്ക് സന്ദേശമയക്കുക