June 20, 2022
June 20, 2022
ദോഹ : ദോഹ രാജ്യാന്തര വിമാനത്താവളത്തിന്റെ വലുപ്പവും ആഢംബരം നിറഞ്ഞ സംവിധാനങ്ങളും കണ്ട് അമ്പരന്ന് നൈജീരിയൻ നടി ഉച്ചേ ഓഗ്ബോഡോ.ഇൻസ്റ്റഗ്രാം സ്റ്റോറിയിലാണ് നടി ദോഹാ രാജ്യാന്തര വിമാനത്താവളത്തിലെ തന്റെ അനുഭവം പങ്കുവെച്ചത്.വിമാനത്താവളം ഒരു രാജ്യംപോലെ വിശാലമാണെന്നും തനിക്ക് പോകേണ്ട കണക്റ്റിങ് വിമാനത്തിലേക്ക് പോകുന്നതിനിടെ മൂന്നുതവണ വഴിതെറ്റിയെന്നുമുള്ള കുറിപ്പോടെ വീഡിയോ സഹിതമാണ് അവർ ഇൻസ്റ്റയിൽ ഇക്കാര്യം വിവരിച്ചത്.
"ദൈവമേ, ഈ എയർപോർട്ട് പോലെ കണ്ണഞ്ചിപ്പിക്കുന്ന സ്ഥാപനങ്ങൾ എൻ്റെ നാട്ടുകാർക്ക് എന്ന് ലഭിക്കും? ഇതിൻറെ വലിപ്പം! ട്രെയിൻ, റോഡ്, ടണൽ ബസ്സ് ... "
നടിയുടെ ഇൻസ്റ്റാ പോസ്റ്റിനെ അടിസ്ഥാനമാക്കി വിവിധ ആഫ്രിക്കൻ മാധ്യമങ്ങളും വാർത്ത റിപ്പോർട്ട് ചെയ്തു.
ലോകത്തെ ഏറ്റവും നല്ല എയർപോർട്ട് ആയി ദോഹയിലെ ഹമദ് ഇന്റർനേഷണൽ എയർപോർട്ട് ഈയിടെ തിരഞ്ഞെടുക്കപ്പെട്ടിരുന്നു.ദുബായ് വിമാനത്താവളത്തിന് 14 ആം സ്ഥാനമാണ് ഏവിയേഷൻ റേറ്റിംഗ് കമ്പനിയായ സ്കൈട്രാക്സ് യാത്രക്കാർക്കിടയിൽ നടത്തുന്ന വാർഷിക സർവേയിൽ രേഖപ്പെടുത്തിയത്.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക