March 13, 2022
March 13, 2022
ദോഹ : അന്യായമായി വിലവർധിപ്പിച്ച അൻപതിലധികം കടകൾക്കെതിരെ നടപടി എടുത്തതായി ഖത്തർ വ്യവസായമന്ത്രാലയം അറിയിച്ചു. റസ്റ്റോറന്റുകൾ, ഭക്ഷ്യ ഉത്പന്നങ്ങളുടെ വില്പന നടത്തുന്ന സ്ഥാപനങ്ങൾ, കഫേകൾ തുടങ്ങി വിവിധ മേഖലയിൽ നിന്നുള്ള കടകൾക്ക് നേരെയാണ് നടപടി. വിലക്കയറ്റം നിയന്ത്രിക്കാൻ കൃത്യമായ നടപടികൾ രാജ്യത്ത് ഉണ്ടെങ്കിലും, ഈ കടകൾ അനുമതിയില്ലാതെ അനധികൃതമായി വില കൂട്ടുകയായിരുന്നു. ചില കടകൾക്ക് ഒരാഴ്ച്ച അടച്ചിടാൻ നിർദ്ദേശം ലഭിച്ചപ്പോൾ, മറ്റ് ചില കടകൾക്ക് ഒരുമാസം അടച്ചിടാനാണ് നിർദ്ദേശം.