September 30, 2019
September 30, 2019
ദോഹ : കാര്‍ റേസിങ് ഇതിഹാസം നാസര്‍ അല്‍അഥിയ്യ മിഡിലീസ്റ്റ് കാർ റാലിയിൽ പതിനഞ്ചാം തവണയും ജേതാവായി. 17 വര്‍ഷത്തിനിടെ ഇത് പതിനഞ്ചാം തവണയാണ് നാസര്‍ അല്‍ അൽ അതിയ്യ മിഡിലീസ്റ്റ് റാലിയിൽ ചാംപ്യന്‍ പട്ടം സ്വന്തമാക്കുന്നത്. ഇത്തവണ ഖത്തര്‍ പൗരന്‍ തന്നെയായ അബ്ദുല്‍ അസീസ് അല്‍കുവാരിയെ വാശിയേറിയ പോരാട്ടത്തിനൊടുവില്‍ മറികടന്നാണു നാസര്‍ അല്‍ അൽ അതിയ്യ വിജയകിരീടം ചൂടിയത്. അബ്ദുല്‍ അസീസ് രണ്ടാം സ്ഥാനം സ്വന്തമാക്കി.
മിഡിലീസ്റ്റ് ചാംപ്യന്‍ഷിപ്പിന്റെ നാലാമത്തെയും അവസാനത്തെയും റൗണ്ടായ സൈപ്രസ് രാജ്യാന്തര റാലിയില്‍ ജേതാവായാണ് നാസര്‍ അൽ അതിയ്യ ചാംപ്യന്‍പട്ടം സ്വന്തമാക്കിയത്. ഒക്ടോബര്‍ 31 മുതല്‍ നവംബര്‍ രണ്ടുവരെ കുവൈത്തില്‍ നടക്കേണ്ടിയിരുന്ന അഞ്ചാം റൗണ്ട്, മത്സരാര്‍ത്ഥികള്‍ കുറഞ്ഞതുമൂലം ഉപേക്ഷിക്കുകയായിരുന്നു.
