May 12, 2023
May 12, 2023
ന്യൂസ്റൂം ബ്യൂറോ
ദോഹ: കത്താറയില് നടക്കുന്ന മുത്തുവാരല്-മീന്പിടിത്ത മത്സരമായ 9-ാമത് സെന്യാര് ഫെസ്റ്റിവല് ഇന്ന് സമാപിക്കും. 58 ടീമുകളില് നിന്നായി ഗള്ഫ് സഹകരണ കൗണ്സില് രാജ്യങ്ങളില് നിന്നുള്ള 64 പേരുള്പ്പെടെ 697 പേരാണ് ഇത്തവണ മല്സര രംഗത്തുണ്ടായിരുന്നത്. മീന്പിടിത്ത മത്സരമായ ഹദ്ദഖ്, മുത്തുവാരല് മത്സരമായ ലിഫ എന്നിവയ്ക്ക് ചൊവ്വാഴ്ച തുടക്കമായി.ഇത്തവണ ആദ്യ 15 ജേതാക്കള്ക്ക് സമ്മാനത്തുക 22 ലക്ഷം റിയാല് ആണ്.
മീന് പിടിക്കുന്ന രീതി, ഭാരം കണക്കുകൂട്ടല് തുടങ്ങിയ കാര്യങ്ങളില് ഇത്തവണ മാറ്റങ്ങള് വരുത്തിയിട്ടുണ്ട്.
കോവിഡ് നിയന്ത്രണങ്ങളെ തുടര്ന്ന് കഴിഞ്ഞ 3 വര്ഷങ്ങളായി സെന്യാര് നടത്തിയിരുന്നില്ല. വൈകീട്ട് നാലിനാണ് വിജയികള്ക്ക് അവാര്ഡുകള് നല്കുക. സമുദ്ര പൈതൃകത്തില് സെന്യാര് ഫെസ്റ്റിവലിന് സുപ്രധാന സ്ഥാനമുണ്ടെന്ന് അധികൃതര് പറഞ്ഞു.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GNnAPz2ISv601MKXQvNitL