April 12, 2023
April 12, 2023
ന്യൂസ്‌റൂം ബ്യൂറോ
ചണ്ഡീഗഡ്: പഞ്ചാബിലെ ഭട്ടിന്‍ഡ സൈനിക സ്റ്റേഷനിലുണ്ടായ വെടിവെപ്പില്‍ നാലുപേര്‍ കൊല്ലപ്പെട്ടു. പുലര്‍ച്ചെ 4.35 നായിരുന്നു വെടിവെപ്പ്. പ്രദേശം സീല്‍ ചെയ്ത് അന്വേഷണം ആരംഭിച്ചതായി വാര്‍ത്താ ഏജന്‍സിയായ എഎന്‍ഐ റിപ്പോര്‍ട്ട് ചെയ്തു.
എന്താണ് സംഭവിച്ചതെന്ന് സൈന്യത്തിന്റെ ഭാഗത്തു നിന്ന് കൂടുതല്‍ വിശദീകരണമുണ്ടായിട്ടില്ല. കൊല്ലപ്പെട്ടവരുടെ വിവരങ്ങളും ലഭ്യമായിട്ടില്ല. ആക്രമണം പുറത്തുനിന്നാണോ അതോ സൈനികരിലൊരാള്‍ വെടിവെച്ചതാണോ എന്നതുള്‍പ്പടെയുള്ള വിവരങ്ങള്‍ പുറത്തുവന്നിട്ടില്ല. സ്‌റ്റേഷനിലെ ദ്രുത കര്‍മ സേനയാണ് ഈ മേഖല ഇപ്പോള്‍ പരിശോധിക്കുന്നത്.
സൈനിക സ്റ്റേഷനു പുറത്ത് പൊലീസ് സംഘം കാത്തുനില്‍ക്കുന്നുണ്ടെന്ന് ഭട്ടിന്‍ഡ സീനിയര്‍ പൊലീസ് സൂപ്രണ്ട് ജി.എസ്. ഖുറാന പറഞ്ഞു. ഇതൊരു ഭീകരാക്രമണമാണെന്ന് തോന്നുന്നില്ലെന്നും സൈനിക ക്യാമ്പിലെ ആഭ്യന്തര കാര്യമായിരിക്കാമെന്നും ജി.എസ് ഖുറാന പറഞ്ഞതായി എന്‍ഡിടിവി റിപ്പോര്‍ട്ട് ചെയ്തു.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI
