July 05, 2023
July 05, 2023
ന്യൂസ്‌റൂം ബ്യുറോ
ദോഹ : ഖത്തറിൽ സർക്കാർ മേഖലയിൽ ജോലി ചെയ്യുന്ന 16 പേർക്കെതിരെ അഴിമതിക്കേസിൽ ക്രിമിനൽ കുറ്റം ചുമത്തിയതായി പബ്ലിക് പ്രോസിക്യൂഷൻ അറിയിച്ചു.ഇവരെ തുടർനടപടികൾക്കായി ക്രിമിനൽ കോടതിയിലേക്ക് റഫർ ചെയ്തതായും അധികൃതർ വ്യക്തമാക്കി. കൈക്കൂലി, ഓഫീസ് ദുരുപയോഗം, പൊതു ഫണ്ടിന് നാശനഷ്ടമുണ്ടാക്കൽ എന്നീ കുറ്റങ്ങളാണ് ഇവർക്കെതിരെ ചുമത്തിയത്.
പ്രതികളിൽ നാല് പേർ ഹമദ് മെഡിക്കൽ കോർപറേഷനിലെ ജീവനക്കാരാണ്.തങ്ങളുടെ ഔദ്യോഗിക പദവി ദുരുപയോഗം ചെയ്യുകയും മറ്റ് പ്രതികളുടെ ഉടമസ്ഥതയിലുള്ള ചില കമ്പനികളിൽ നിന്ന് പ്രതിഫലം കൈപ്പറ്റി ഹമദ് മെഡിക്കല്‍ കോര്‍പ്പറേഷനിലേക്ക് മെഡിക്കല്‍ സാമഗ്രികളും സപ്ലൈകളും വിതരണം ചെയ്യുന്നതിനുള്ള കരാര്‍ നേടുകയും ചെയ്തതായി അന്വേഷണത്തില്‍ തെളിഞ്ഞ സാഹചര്യത്തിലാണ് ഇവർക്കെതിരെ നടപടിയെടുത്തതെന്ന് പബ്ലിക് പ്രോസിക്യൂഷന്‍ പ്രസ്താവനയില്‍ വ്യക്തമാക്കി.കൈക്കൂലി,അഴിമതി,പൊതുഫണ്ട് ദുരുപയോഗം എന്നിവയാണ് മറ്റു പ്രതികൾക്കെതിരെയും കണ്ടെത്തിയത്.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GjQM19221WxKnWo2cdbsZe
