March 10, 2020
March 10, 2020
ദോഹ : സ്വർണം പൊടി രൂപത്തിലാക്കി ഖത്തറിൽ നിന്നും രാജ്യത്തിന് പുറത്തേക്ക് കടത്താൻ ശ്രമിച്ച പതിനഞ്ച് പേരെ വടക്കൻ മേഖലാ സുരക്ഷാ വിഭാഗം അറസ്റ്റ് ചെയ്തു. ആവശ്യമായ നടപടിക്രമങ്ങൾക്ക് ശേഷം ഇവരുമായി ബന്ധപ്പെട്ട വിവിധ കേന്ദ്രങ്ങളിൽ റെയ്ഡ് നടത്തിയ ഉദ്യോഗസ്ഥർ സ്വർണ നാണയങ്ങളും പൊടിയാക്കാൻ ഉപയോഗിച്ച ഉപകരണങ്ങളും പിടിച്ചെടുത്തു. പ്രതികൾ ഇന്ത്യക്കാരാണെന്ന് സൂചനയുണ്ട്.
ഇത്തരം കുറ്റകൃത്യങ്ങൾ കണ്ടെത്താൻ ജനങ്ങൾ അധികൃതരുമായി സഹകരിക്കണമെന്നും എന്തെങ്കിലും വിവരങ്ങൾ ലഭിക്കുന്നവർ വിവരം അറിയിക്കണമെന്നും ആഭ്യന്തര മന്ത്രാലയം സമൂഹ മാധ്യമം വഴി ആവശ്യപ്പെട്ടു.
