September 05, 2021
September 05, 2021
ദോഹ : ഖത്തറിൽ കഴിഞ്ഞ 24 മണിക്കൂറിനുള്ളിൽ 130 പേർക്ക് കോവിഡ് സ്ഥിരീകരിച്ചതായി പൊതുജനാരോഗ്യ മന്ത്രാലയം അറിയിച്ചു. 219 പേർ രോഗമുക്തരായി.പുതിയ കേസുകളിൽ 82 പേർക്ക് സമ്പർക്കത്തിലൂടെയാണ് രോഗം ബാധിച്ചത്.48 പേർ വിദേശത്ത് നിന്ന് മടങ്ങിയെത്തിയ യാത്രക്കാരാണ്.
കഴിഞ്ഞ 24 മണിക്കൂറിനുള്ളിൽ ആരും മരണപ്പെട്ടിട്ടില്ല. രാജ്യത്ത് ഇതുവരെ 602 പേരാണ് കോവിഡ് ബാധിച്ച് മരിച്ചത്.കഴിഞ്ഞ 24 മണിക്കൂറിനിടെ 4 പേരെ ഐസിയുവിൽ പ്രവേശിപ്പിച്ചു.നിലവിൽ ആശുപത്രിയിൽ ചികിത്സയിലുള്ള 83 പേരിൽ 24 പേർ തീവ്രപരിചരണ വിഭാഗത്തിലാണ്.