March 23, 2022
March 23, 2022
ഹൈദരാബാദ് : നഗരത്തിലെ ആക്രി സാധനങ്ങൾ സൂക്ഷിക്കുന്ന ഗോഡൗണിൽ തീ പടർന്ന് 11 മരണം. നാല് പേർക്ക് ഗുരുതരമായി പൊള്ളലേൽക്കുകയും ചെയ്തതായി അധികൃതർ സ്ഥിരീകരിച്ചു. തൊഴിലാളികൾ കെട്ടിടത്തിനുള്ളിൽ ഉറങ്ങിക്കിടക്കുന്നതിനിടെയാണ് തീപ്പിടുത്തമുണ്ടായത്.
ഷോർട്ട് സർക്യൂട്ടാണ് അപകടകാരണമെന്ന് അന്വേഷണത്തിൽ കണ്ടെത്തി. അപകടത്തിൽ പെട്ട മുഴുവൻ തൊഴിലാളികളും ബീഹാർ സ്വദേശികളാണ്. സംഭവത്തിൽ തെലുങ്കാന മുഖ്യമന്ത്രി കൽവകുണ്ട്ല ചന്ദ്രശേഖർ റാവു അനുശോചനം രേഖപ്പെടുത്തി. മരണപ്പെട്ടവരുടെ കുടുംബങ്ങൾക്ക് നഷ്ടപരിഹാരം നൽകുമെന്നും മുഖ്യമന്ത്രി അറിയിച്ചു.