February 20, 2023
February 20, 2023
ന്യൂസ്‌റൂം ബ്യുറോ
ദോഹ : ഇ-സിഗരറ്റുകൾ ഖത്തറിലേക്ക് ഇറക്കുമതി ചെയ്യുകയോ വിൽപന നടത്തുകയോ ചെയ്‌താൽ ഒരു ലക്ഷം റിയാൽ പിഴ ചുമത്തുമെന്ന് അധികൃതർ മുന്നറിയിപ്പ് നൽകി..പുകയില നിയന്ത്രണവുമായി ബന്ധപ്പെട്ട നിയമത്തിലെ ആർട്ടിക്കിൾ 7 ലെ ഏതെങ്കിലും വ്യവസ്ഥകൾ ലംഘിക്കുന്ന ആർക്കും ആറ് മാസത്തിൽ കൂടാത്ത തടവും 100,000 റിയാലിൽ കവിയാത്ത പിഴയും അല്ലെങ്കിൽ ഇതിൽ ഏതെങ്കിലുമൊന്നോ ശിക്ഷയായി ലഭിക്കും.
പുകയില ഉൽപന്നങ്ങളോ അതിന്റെ മറ്റേതെങ്കിലും വകഭേദങ്ങളോ പ്രോത്സാഹിപ്പിക്കുകയും പ്രചരിപ്പിക്കുകയും ചെയ്യുന്നത് ശിക്ഷാർഹമായ കുറ്റകൃത്യമായി പരിഗണിക്കും.ഇവ പരസ്യപ്പെടുത്തുന്നതിനായി ദൃശ്യ, ശ്രാവ്യ, പ്രിന്റ് മാധ്യമങ്ങൾ ഉപയോഗപ്പെടുത്തുന്നതും നിയമപരമായി വിലക്കിയിട്ടുണ്ട്.
ഹുക്കകളും ഇലക്ട്രോണിക് സിഗരറ്റുകളും വിവിധ വിലകളിൽ വാട്‍സ്ആപ് ഉൾപെടെയുള്ള സമൂഹ മാധ്യമങ്ങൾ വഴി പ്രചരിപ്പിക്കുകയും വിൽപന നടത്തുകയും ചെയ്യുന്നത് വൻ തോതിൽ വർധിച്ചതായി പ്രാദേശിക അറബ് ദിനപത്രമായ അൽ ശർഖ് റിപ്പോർട്ട് ചെയ്തു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/LiM4EdDAtkTAmYRCb0LMz9 എന്ന ലിങ്കിൽ ജോയിൻ ചെയ്യുക
