March 15, 2020
March 15, 2020
ദോഹ : ഗൾഫ് രാജ്യങ്ങളിൽ ഇന്ന് പുതുതായി 10 പേരിൽ കൂടി കോവിഡ് 19 വൈറസ് ബാധ സ്ഥിരീകരിച്ചു. കുവൈത്തിലാണ് ഇന്ന് ഏറ്റവും കൂടുതൽ പേരിൽ രോഗബാധ സ്ഥിരീകരിച്ചത്. ഇന്ന് എട്ട് പേരിൽ കൂടി പുതുതായി കോവിഡ് 19 സ്ഥിരീകരിച്ചതായി കുവൈത്ത് ആരോഗ്യമന്ത്രാലയം അറിയിച്ചു. എല്ലാവരും കുവൈത്ത് സ്വദേശികളാണ്. ഇതോടെ കുവൈത്തിൽ മൊത്തം രോഗബാധിതരുടെ എണ്ണം 112 ആയി.യു.എ.ഇ യിൽ നാട്ടിൽ നിന്നും തിരിച്ചെത്തിയ ഒരു ഇന്ത്യക്കാരനിലാണ് ഇന്ന് വൈറസ് ബാധ സ്ഥിരീകരിച്ചത്.മുൻകരുതലുകളും ഭാഗമായി ദുബായ് ഗ്ലോബൽ വില്ലേജ്ഉം സിനിമാതിയേറ്ററുകളും അടച്ചു.ജിംനേഷ്യങ്ങൾ ഉൾപ്പെടെ രാജ്യത്തെ മുഴുവൻ സിനിമാ തിയേറ്ററുകളും അടച്ചു.ആളുകൾ ഒത്തുകൂടുന്ന എല്ലാ പരിപാടികളും റദ്ദാക്കിയിട്ടുണ്ട്.
ഒമാനിൽ ഇന്ന് ഒരാളിൽ കൂടി കോവിഡ് 19 സ്ഥിരീകരിച്ചു.ഇതോടെ മൊത്തം രോഗബാധിതരുടെ എണ്ണം 21 ആയി.ഇതിൽ പതിനെട്ട് പേരും ഇറാനിൽ നിന്നും തിരിച്ചെത്തിയവരുമായി സമ്പർക്കം പുലർത്തിയവരാണ്.
സൗദിയിൽ ഇന്നലെ പതിനേഴ് പേരിൽ കൂടി കൂടി പുതുതായി വൈറസ് ബാധ സ്ഥിരീകരിച്ചിരുന്നു.നിലവിൽ 103 പേരിലാണ് സൗദിയിൽ വൈറസ് ബാധ സ്ഥിരീകരിച്ചത്.
സൗദിയിലേക്കും സൗദിയിൽ നിന്ന് പുറത്തേക്കുമുള്ള എല്ലാ വിമാനസർവീസുകളും ഇന്ന് മുതൽ നിർത്തിവെച്ചു.ബഹ്‌റൈനിൽ ഇന്നലെ വരെയുള്ള രോഗബാധിതരുടെ എണ്ണം 67 ആണ്.
ന്യൂസ്‌റൂം വാർത്തകൾ മുടങ്ങാതെ ലഭിക്കാത്തവർ +974 66200 167 എന്ന നമ്പറിലേക്ക് സന്ദേശം അയക്കുക.
