November 02, 2021
November 02, 2021
ഖത്തർ എയർവേയ്സിന്റെ ഉപഭോക്താക്കൾക്ക് ഒരു മില്യൺ അമേരിക്കൻ ഡോളർ സ്വന്തമാക്കാനുള്ള സുവർണ്ണാവസരം. ഹമദ് അന്താരാഷ്ട്ര വിമാനത്താവളവുമായി സഹകരിച്ചാണ് ഖത്തർ എയർവേയ്സ് മത്സരം സംഘടിപ്പിക്കുന്നത്. ക്യാഷ് പ്രൈസിനൊപ്പം ഖത്തർ എക്സിക്യൂട്ടീവ് പ്രൈവറ്റ് ജെറ്റിൽ മാലിദ്വീപിലേക്ക് സ്വപ്നതുല്യമായ യാത്രയും പോർഷെ കാറും സമ്മാനങ്ങളുടെ പട്ടികയിലുണ്ട്.
മത്സരത്തിൽ പങ്കെടുക്കാൻ ഖത്തർ എയർവേയ്സ് ലോയൽറ്റി ക്ലബിൽ പേര് രജിസ്റ്റർ ചെയേണ്ടതുണ്ട്. ഒപ്പം, ഹമദ് എയർപോർട്ടിൽ നിന്നും ഏതെങ്കിലും ഒരു ഇടത്തേക്ക് വിമാനയാത്രയും നടത്തിയിരിക്കണം. ഖത്തർ എയർവേയ്സിന്റെ ഔദ്യോഗിക സൈറ്റിലൂടെയോ ട്രാവൽ ഏജൻസിയിലൂടെയോ 1 നവംബർ 2021 നും 31 ജനുവരി 2022 നും ഇടയിൽ ബുക്ക് ചെയ്യുന്ന ടിക്കറ്റുകളാണ് നറുക്കെടുപ്പിൽ പരിഗണിക്കുക. 2022 ഫെബ്രുവരി മാസത്തിൽ വിജയിയെ പ്രഖ്യാപിക്കും.