April 27, 2021
April 27, 2021
ദോഹ : ഖത്തറിലേക്ക് വരുന്ന എല്ലാ യാത്രക്കാർക്കും ഹോട്ടൽ കൊറന്റൈൻ നിർബന്ധമാക്കിയ സാഹചര്യത്തിൽ നിലവിലെ ഇളവുകൾ നാളെ രാത്രിയോടെ അവസാനിക്കും.അതായത് നാളെ അര്‍ധരാത്രി വരെയുള്ള വിമാനങ്ങളില്‍ എത്തുന്നവര്‍ക്ക് 72 മണിക്കൂറിനുള്ളില്‍ എടുത്ത പരിശോധനാ സര്‍ട്ടിഫിക്കറ്റ് മതിയാവും. ഈ സമയപരിധി കഴിഞ്ഞാൽ 48 മണിക്കൂർ മുമ്പുള്ള പരിശോധനാ ഫലമാണ് കരുതേണ്ടത്. അതേസമയം, വാക്‌സിനേഷന്‍ എടുത്തവര്‍ക്ക് നാളെ വന്നാലും ഇളവ് ലഭിക്കില്ലെന്നാണ് ഏറ്റവും പുതിയ വിവരം. വാക്‌സിനേഷന്‍ എടുത്തവര്‍ക്ക് നാളെ വന്നാല്‍ ഹോട്ടൽ കൊറന്റൈനിൽ ഇളവ് ലഭിക്കുമെന്ന രീതിയില്‍ നേരത്തേ അറിയിപ്പുണ്ടായിരുന്നു.എന്നാൽ ഇതിൽ മാറ്റം വരുത്തിയതായാണ് അന്വേഷണത്തിൽ അറിയാൻ കഴിഞ്ഞത്.
വാക്സിന്‍ എടുത്തവര്‍ക്കും ആറ് മാസത്തിനുള്ളില്‍ രോഗം സ്ഥിരീകരിച്ചവര്‍ക്കും ഉള്ള ക്വാറന്റീന്‍ ഇളവ് ഏപ്രില്‍ 28 മുതല്‍ റദ്ദാക്കപ്പെടുമെന്ന് എയര്‍ ഇന്ത്യ എക്സ്പ്രസ് അറിയിച്ചിട്ടുണ്ട്.ഇന്നലെയാണ് പുതിയ നിയന്ത്രണങ്ങൾ ആരോഗ്യമന്ത്രാലയം പ്രഖ്യാപിച്ചത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
