March 29, 2022
March 29, 2022
ദോഹ : യൂറോപ്പ്യൻ രാജ്യങ്ങളിൽ നിക്ഷേപം നടത്തുന്നതിനെ കുറിച്ച് നിലവിൽ ചിന്തിക്കുന്നില്ലെന്ന് ഖത്തർ വിദേശകാര്യമന്ത്രി ഷെയ്ഖ് മുഹമ്മദ്‌ ബിൻ അബ്ദുൾ റഹ്മാൻ അൽ താനി. റഷ്യയുടെ യുക്രൈൻ അധിനിവേശം അടക്കമുള്ള സമകാലിക സംഭവങ്ങളെ മുൻനിർത്തിയാണ് ഖത്തർ ഇത്തരമൊരു തീരുമാനമെടുത്തത്. ഓരോ രാജ്യത്തെയും സുരക്ഷ അടക്കമുള്ള സാഹചര്യങ്ങൾ വിശദമായി വിലയിരുത്തിയ ശേഷം മാത്രമേ നിക്ഷേപത്തിന് മുതിരൂ എന്നും മന്ത്രി വ്യക്തമാക്കി.
അതേസമയം, യൂറോപ്പിൽ നിന്നും നിക്ഷേപങ്ങൾ സ്വീകരിക്കില്ല എന്ന കടുംപിടുത്തം ഖത്തറിനില്ലെന്നും മന്ത്രി അറിയിച്ചു. റഷ്യ - യുക്രൈൻ സംഘർഷം ആഗോള തലത്തിൽ വിലക്കയറ്റം അടക്കമുള്ള പ്രതിസന്ധികൾ സൃഷ്ടിക്കുമെന്ന ആശങ്കയും ഖത്തർ പങ്കുവെച്ചു. ദോഹ ഫോറത്തിൽ സംസാരിക്കുന്നതിനിടെ ധനകാര്യ മന്ത്രി അലി അൽകുവാരിയാണ് ഈ നിരീക്ഷണം നടത്തിയത്. ചർച്ചകളിലൂടെ സമാധാനം പുനഃസ്ഥാപിക്കേണ്ടതിന്റെ ആവശ്യകതയും ഫോറത്തിൽ ചർച്ചയായി.
