NewsRoomme, Latest Malayalam Qatar News Online From Newsroomme.com. Get Latest Malayalam Audio News on your mobile

Breaking News

മൈനകളെ കൂട്ടിലടക്കാൻ ഖത്തർ കാലാവസ്ഥാ പരിസ്ഥിതി മന്ത്രാലയം,പിടികൂടിയ പക്ഷികളുടെ എണ്ണത്തിൽ വൻ വർദ്ധനവ് | അമീർ കപ്പ് ഫൈനൽ ഇന്ന്,ആരാധകർക്കുള്ള യാത്രാസൗകര്യങ്ങൾ പൂർണ സജ്ജമെന്ന് ദോഹ മെട്രോ | ജിദ്ദയിലെ മലയാളം ന്യൂസ് ജീവനക്കാരനായിരുന്ന അബ്ദുൽ ജബ്ബാറിന്റെ മകൾ അപകടത്തിൽ മരിച്ചു | 2025 ഫിഫ അറബ് കപ്പ്,റെക്കോർഡ് സമ്മാനത്തുകയുമായി സംഘാടകർ | കുവൈത്തിലെ ഷോപ്പിംഗ് മാളിൽ വാതകച്ചോർച്ചയെ തുടർന്ന് സ്ഫോടനം,മലയാളി ഉൾപെടെ 10 പേർക്ക് പരിക്കേറ്റു | ഖത്തർ കെ.എം.സി.സി 'നവോത്സവ്',സമാപന പരിപാടികൾ ഇന്നും നാളെയും ഓൾഡ് ഐഡിയൽ ഇന്ത്യൻ സ്‌കൂളിൽ | ദോഹ ഹമദ് രാജ്യാന്തര വിമാനത്താവളത്തിൽ വൻ മയക്കുമരുന്ന് വേട്ട,ഏഴ് കിലോയിലധികം ഹെറോയിനും ഹഷീഷും പിടികൂടി | ഇൻകാസ് ഖത്തർ രാജീവ് ഗാന്ധിയെ അനുസ്മരിച്ചു | ഷാർജയിലെ വെയർഹൗസിൽ വൻ തീപിടുത്തം,ആളപായമില്ല | ഓപറേഷൻ സിന്ദൂർ,ഖത്തറിലേക്കുള്ള പ്രതിനിധി സംഘത്തെ സുപ്രിയ സുലേ നയിക്കും,വി.മുരളീധരനും സംഘത്തിൽ |

വെസ്റ്റ്ബാങ്കിലെ റാമല്ലയിലുള്ള അൽ ജസീറ ചാനൽ ഓഫിസ് പൂട്ടിച്ചു

September 23, 2024

ന്യൂസ്‌റൂം ബ്യുറോ

വെസ്റ്റ് ബാങ്ക്: അധിനിവിഷ്ട വെസ്റ്റ്ബാങ്കിലെ റാമല്ലയിലുള്ള അൽ ജസീറ ചാനൽ ഓഫിസിൽ ഇസ്രായേൽ സേന റെയ്ഡ് നടത്തി. 45 ദിവസത്തേക്ക് ഓഫിസ് പൂട്ടാനും ഉത്തരവ് നൽകി. മാസ്ക് ധരിച്ച് ആയുധങ്ങളുമായെത്തിയ സൈനികർ ഓഫിസ് പൂട്ടാനും കാമറകളുമെടുത്ത് ജീവനക്കാർ ഉടൻ ഇറങ്ങണമെന്നും ആവശ്യപ്പെടുകയായിരുന്നു. ഓഫിസ് റെയ്ഡ് നടത്തുന്നതിന്റെ ദൃശ്യങ്ങൾ ചാനൽ സംപ്രേഷണം ചെയ്തു.

ഇസ്രായേൽ സേനയുടെ വെടിയേറ്റുമരിച്ച ഫലസ്തീൻ-അമേരിക്കൻ മാധ്യമ പ്രവർത്തക ഷിറിൻ അബു അഖ് ലെയുടെ ചിത്രമുള്ള ബാനർ നശിപ്പിക്കുകയും ചെയ്തു. ഓഫിസിലെ ഉപകരണങ്ങളും രേഖകളും സൈന്യം പിടിച്ചെടുത്തതായി വെസ്റ്റ് ബാങ്ക് ബ്യൂറോ ചീഫ് വാലിദ് അൽ ഒമരി പറഞ്ഞു. കിഴക്കൻ ജറൂസലമിലെ ചാനൽ ഓഫിസ് കഴിഞ്ഞ മേയിൽ ഇസ്രായേൽ സേന റെയ്ഡ് നടത്തി പൂട്ടിച്ചിരുന്നു. എങ്കിലും വെസ്റ്റ് ബാങ്കിലും ഗസ മുനമ്പിലും ചാനൽ പ്രവർത്തനം തുടർന്നിരുന്നു.

1993ലെ ഓസ്ലോ ഉടമ്പടി പ്രകാരം ഫലസ്തീന്റെ രാഷ്ട്രീയ-സുരക്ഷ നിയന്ത്രണത്തിലുള്ള റാമല്ലയിലെ ഓഫിസാണ് ഇസ്രായേൽ പൂട്ടിച്ചത്. നിരവധി മാധ്യമ പ്രവർത്തകർ കൊല്ലപ്പെട്ടിട്ടും ഗസ മുനമ്പിൽ നിന്ന് 24 മണിക്കൂറും അൽ ജസീറ ചാനൽ വാർത്തകൾ നൽകിയിരുന്നു. സംഭവത്തെ ഫലസ്തീൻ മാധ്യമ പ്രവർത്തകരുടെ കൂട്ടായ്മ അപലപിച്ചു. സൈന്യത്തിന്റെ ഏകപക്ഷീയ നടപടി പത്രപ്രവർത്തനത്തിനും മാധ്യമ സ്ഥാപനങ്ങൾക്കും നേരെയുള്ള പുതിയ കടന്നാക്രമണമാണെന്ന് അവർ വിമർശിച്ചു.