October 17, 2022
October 17, 2022
അൻവർ പാലേരി
ദോഹ : മീര നായരുടെ പ്രശസ്ത ചലച്ചിത്രം 'മൺസൂൺ വെഡ്‌ഡിങ്' ന്റെ സംഗീത നാടകാവിഷ്കാരം നവംബർ 16ന് സൂഖ്‌വാഖിഫിലെ അബ്ദുൽ അസീസി നാസർ തിയേറ്ററിൽ അരങ്ങേറും. ഖത്തർ ലോകകപ്പ് സാംസ്കാരിക പരിപാടികളുടെ ഭാഗമായി ഖത്തർ ക്രിയേറ്റ്സ് ഈവൻസാണ് 2001 ൽ ഇന്ത്യൻ ചലച്ചിത്ര ലോകം നെഞ്ചേറ്റിയ സിനിമയുടെ അരങ്ങിലെ ആവിഷ്കാരം ദോഹയിലെത്തിക്കുന്നത്.
2001-ൽ വെനീസ് ഇന്റർനാഷണൽ ഫിലിം ഫെസ്റ്റിവലിൽ ഗോൾഡൻ ലയൺ അവാർഡ് നേടിയ മൺസൂൺ വെഡ്ഡിംഗ്,ഗോൾഡൻ ഗ്ലോബ് പുരസ്‌കാരത്തിന് നാമനിർദ്ദേശം ചെയ്യപ്പെട്ട ഇന്ത്യൻ ചിത്രം കൂടിയാണ്. മകളുടെ വിവാഹത്തിന് തയ്യാറെടുക്കുന്ന ഒരു ഇന്ത്യൻ കുടുംബത്തെ കേന്ദ്രീകരിച്ചാണ് ചിത്രത്തിൻറെ പ്രമേയം.നസീറുദ്ദീൻ ഷാ, ലില്ലെറ്റ് ദുബെ, ഷെഫാലി ഷാ, വസുന്ധര ദാസ് തുടങ്ങിയ പ്രമുഖരാണ് സിനിമയിൽ വേഷമിട്ടത്.
പ്രശസ്ത ഇന്ത്യൻ സംഗീതസംവിധായകൻ വിശാൽ ഭരദ്വാജിന്റെ നേതൃത്വത്തിൽ അഞ്ച് വര്ഷമെടുത്താണ് മൺസൂൺ വെഡിങ്ങിന്റെ അരങ്ങിലെ ആവിഷ്കാരം തയാറാക്കിയത്.സിനിമ പുറത്തിറങ്ങി 16 വർഷങ്ങൾക്ക് ശേഷം 2017 ലാണ് ചിത്രത്തിന്റെ നാടകാവിഷ്കാരം ആദ്യമായി ആദ്യമായി അരങ്ങായിലെത്തിയത്.തുടർന്ന് ലോകത്തിന്റെ വിവിധ ഭാഗങ്ങളിൽ അരങ്ങേറിയ ശേഷമാണ് ഈ അപൂർവ കലാവിഷ്കാരം ദോഹയിലെ പ്രേക്ഷകർക്ക് മുന്നിൽ എത്തുന്നത്.നവംബർ 26 വരെ ദോഹയിൽ പ്രദർശനം തുടരും.
ഖത്തർ ക്രിയേറ്റ്സ് പ്രോഗ്രാമിന്റെ ഭാഗമായി സംവിധായിക മീരാ നായരെയും പ്രതിഭാധനരായ അഭിനേതാക്കളെയും ദോഹയിലേക്ക് സ്വാഗതം ചെയ്യുന്നതിൽ സന്തോഷമുണ്ടെന്ന് ഷെയ്ഖ അൽ മയാസ്സ ബിൻത് ഹമദ് അൽതാനി പ്രതികരിച്ചു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/KYKm2u8nQZBBNg2J0Y6mez എന്ന ലിങ്കിൽ ജോയിൻ ചെയ്യുക
