May 04, 2023
May 04, 2023
ന്യൂസ്‌റൂം ബ്യൂറോ
മസ്‌കത്ത്: വാഹനാപകടത്തെ തുടര്‍ന്ന് കോട്ടയം കാണക്കാരി ചെമ്മാത്ത് മാത്യു സെബാസ്റ്റിയന്‍(ഷാജി-52) മരിച്ചു. തിങ്കളാഴ്ച രാവിലെ ജോലി സംബന്ധമായ ആവശ്യത്തിന് സഹപ്രവര്‍ത്തകര്‍ക്കൊപ്പം വാനില്‍ യാത്ര ചെയ്യുമ്പോഴായിരുന്നു അപകടം. നിയന്ത്രണം വിട്ട വാഹനം പാറക്കെട്ടില്‍ ഇടിച്ചാണ് അപകടമുണ്ടായത്. മാത്യുവും മറ്റൊരു സുഹൃത്തും തല്‍ക്ഷണം മരിച്ചു. മാത്യു വെള്ളിയാഴ്ച നാട്ടിലേക്ക് വരാനിരിക്കെയായിരുന്നു.
സംസ്‌കാരം ഇന്ന് 2.30ന് പട്ടിത്താനം സെന്റ് ബോനിഫെസ് പള്ളി സെമിത്തേരിയില്‍. പരേതരായ സി.ഡി. ദേവസ്യ-ചിന്നമ്മ ദമ്പതികളുടെ മകനാണ് മാത്യു. ഭാര്യ: ബിയാട്രീസ് മാത്യു. മക്കള്‍: അലന്‍സോ, ആഞ്ജലീന.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GNnAPz2ISv601MKXQvNitL
