December 24, 2022
December 24, 2022
ന്യൂസ്‌റൂം ബ്യുറോ
ഇടുക്കി : കുമളിയില്‍ ശബരിമല തീര്‍ത്ഥാടകരുടെ വാഹനം മറിഞ്ഞുണ്ടായ അപകടത്തില്‍ മരണം എട്ടായി. തമിഴ്‌നാട് തേനി സ്വദേശികളാണ് കുമളി കമ്പം ദേശീയ പാതയിലുണ്ടായ അപകടത്തില്‍പ്പെട്ടത്. പത്ത് പേര്‍ സഞ്ചരിച്ച ടവേര കാര്‍ നിയന്ത്രണം വിട്ട് താഴ്ചയിലേയ്ക്ക് മറിയുകയായിരുന്നു. ശബരിമല ദര്‍ശനം കഴിഞ്ഞ് മടങ്ങുന്ന സംഘമാണ് അപകടത്തില്‍പ്പട്ടത്.
വാഹനത്തില്‍ നിന്ന് തെറിച്ചുവീണ് ഏഴ് വയസുകാരന്‍ അത്ഭുതകരമായി രക്ഷപ്പെട്ടു. പരുക്കേറ്റ മറ്റൊരാളുടെ നില ഗുരുതരമായി തുടരുകയാണ്. ആണ്ടിപ്പെട്ടി സ്വദേശികളായ നാഗരാജ് (46), ദേവദാസ് (55), ശിവകുമാര്‍ (45), ചക്കംപെട്ടി സ്വദേശി മുനിയാണ്ടി, കന്നിസ്വാമി (60), ഷണ്‍മുഖ സുന്ദരപുരം സ്വദേശി വിനോദ് കുമാര്‍ (43) എന്നിവരാണ് മരിച്ചത്.
കുമളി ചെക്ക് പോസ്റ്റിന് സമീപം ഇന്നലെ രാത്രി പത്തരയോടെയാണ് അപകടം ഉണ്ടായത്. നിയന്ത്രണം വിട്ട വാഹനം നാല്‍പത് അടിയോളം താഴ്ചയിലേക്കാണ് വീണത്. മരത്തില്‍ ഇടിച്ച ശേഷം വാഹനം ഹെയര്‍ പിന്നില്‍ നിന്നും താഴേക്ക് പതിച്ചു. നാട്ടുകാരാണ് ആദ്യം രക്ഷാ പ്രവര്‍ത്തനത്തിന് എത്തിയത്. തലകീഴായി മറിഞ്ഞ വാഹനത്തില്‍ നിന്ന് രക്ഷാ പ്രവര്‍ത്തനം ദുഷ്‌കരകമായിരുന്നു എന്നും നാട്ടുകാര്‍ അറിയിച്ചു. പിന്നീട് കേരള തമിഴ്‌നാട് പോലീസും, ഫയര്‍ഫോഴ്‌സും നാട്ടുകാരും ചേര്‍ന്നാണ് രക്ഷാ പ്രവര്‍ത്തനം പൂര്‍ത്തിയാക്കിയത്. പരുക്കേറ്റവരെ കുമളി ആശുപത്രിയിലേക്ക് മാറ്റി. മൃതദേഹങ്ങള്‍ കമ്പം ഗവണ്‍മെന്റ് ആശുപത്രിയിലേക്ക് മാറ്റി.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/HHOGGyLPTMH45QRaxZQRyz എന്ന ലിങ്കിൽ ജോയിൻ ചെയ്യുക
