June 19, 2021
June 19, 2021
കൊച്ചി : ദോഹയിൽ നിന്നും ഖത്തർ എയർവെയ്‌സ് വിമാനത്തിൽ നെടുമ്പാശേരി വിമാനത്താവളത്തിലെത്തിയ യാത്രക്കാരിയിൽ നിന്നും കോടികളുടെ മയക്കുമരുന്ന് ശേഖരം പിടികൂടി.കൊച്ചി വഴി ബെംഗളുരുവിലേക്ക് പോകാനിരുന്ന സിംബാബ്‌വെ സ്വദേശിനി ഷാരോൺ ഷിങ്പാസെ എന്ന യാത്രക്കാരിയിൽ നിന്നാണ് മൂന്നര കിലോയിലധികം മയക്കുമരുന്ന് പിടികൂടിയത്.കൊക്കെയ്‌നാണ് ഇവരിൽ നിന്ന് പിടിച്ചെടുത്തതെന്നാണ് നിഗമനം.പ്രതിയെ കേന്ദ്ര നാർക്കോട്ടിക് വിഭാഗത്തിന് കൈമാറി.വിമാനത്താവളത്തിൽ ബാഗേജ് പരിശോധിക്കുന്നതിനിടെയാണ് കോടികൾ വിലമതിക്കുന്ന മയക്കുമരുന്ന് കണ്ടെത്തിയത്.
മയക്കുമരുന്ന് ബംഗളുരുവിൽ എത്തിച്ച് വിതരണം നടത്താനായിരുന്നു പദ്ധതിയെന്നാണ് സൂചന.
