February 10, 2022
February 10, 2022
അൻവർ പാലേരി
ദോഹ : ബന്ധുക്കളാരും വരാത്തതിനാൽ ദിവസങ്ങളായി ഖത്തറിലെ ഹമദ് ആശുപത്രി മോർച്ചറിയിൽ സൂക്ഷിച്ചിരുന്ന മലയാളിയുടെ മൃതദേഹം തിരിച്ചറിഞ്ഞു.മലപ്പുറം പെരിന്തൽമണ്ണ സ്വദേശി അലിക്കാപ്പറമ്പിൽ ജങ്ഷനിൽ എ.പി മധു(57)വിന്റെ മൃതദേഹമാണ് കഴിഞ്ഞ ദിവസം തിരിച്ചറിഞ്ഞത്.കഴിഞ്ഞ മാസം 23ന് ഖത്തർ ഇൻഡസ്ട്രിയൽ ഏരിയയിലുണ്ടായ വാഹനാപകടത്തിൽ മധു മരിച്ചതായി ബുധനാഴ്ച ഖത്തറിൽ നിന്നും വിവരം ലഭിച്ചതായി നാട്ടിലുള്ള സഹോദരൻ 'ന്യൂസ്‌റൂ'നോട് പറഞ്ഞു.
കഴിഞ്ഞ പതിനെട്ട് വർഷമായി ഖത്തറിലുള്ള മധു അഞ്ചു വർഷങ്ങൾക്ക് മുമ്പാണ് അവസാനമായി നാട്ടിൽ പോയി തിരിച്ചെത്തിയത്.ഇതിനു ശേഷം വിവരമൊന്നും ലഭിക്കാത്തതിനാൽ ബന്ധുക്കൾ പോലീസിലും മുഖ്യമന്ത്രിക്കും പരാതി നൽകിയിരുന്നു.ഖത്തറിലെ നാട്ടുകാരും പരിചയക്കാരും തുടർച്ചയായ അന്വേഷണം നടത്തിയെങ്കിലും വിവരമൊന്നും ലഭിച്ചിരുന്നില്ല.ഇതിനിടെയാണ് ഹമദ് ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം മധുവിന്റേതാണെന്ന് ബന്ധുക്കൾക്ക് വിവരം ലഭിക്കുന്നത്.ഇയാളുടെ ഇന്ത്യൻ പാസ്പോർട്ടിന്റെയും ഖത്തർ താമസ രേഖയുടെയും കാലാവധി കഴിഞ്ഞതായാണ് ലഭ്യമായ വിവരം.
പരേതരായ സുകുമാരൻ,തങ്കം ദമ്പതികളുടെ മകനാണ്.ഭാര്യ : രജനി.മകൻ : രാഹുൽ.നാല് സഹോദരങ്ങളുണ്ട്.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
